जळगाव राजमुद्रा दर्पण | शहरातील इच्छादेवी सर्कल येथे भरधाव चारचाकीचा व दुचाकींचा भीषण अपघात झाला आहे. आकाशवाणी सर्कल च्या दिशेने येणाऱ्या दुचाकीला चारचाकीने जोरदार धडक दिल्याने दुचाकी स्वार गंभीर जखमी झाला आहे. अपघाताची घटना घडताच पोलीस व नागरिकांच्या मदतीने जखमी तरुणास जिल्हा वैद्यकीय महाविद्यालयात उपचारार्थ दाखल करण्यात आले आहे.
सविस्तर माहिती अशी की, आकाशवाणी सर्कल च्या दिशेने येणाऱ्या MH 12.SE.8755 या चारचाकी वाहनाने MH19AT9177 या दुचाकी वाहनाला जोरदार धडक दिली यामध्ये दुचाकी चालवीत असलेला तरुण गंभीर जखमी झाला आहे. अपघात घडताच अपघात ग्रस्तांच्या मदतीला पोलीस व नागरिक यांच्या मदतीने जिल्हा वैद्यकीय महाविद्यालयात उपचारार्थ दाखल करण्यात आले आहे. नागरिकांची मागणी नसताना इच्छादेवी चौफुली येथे गोल सर्कल उभारण्यात आले आहे. यामुळे रस्त्यांच्या विरुद्ध दिशेने जाताना अपघाताचे प्रमाण अधिक वाढले आहे.
यापूर्वी देखील ह्याच ठिकाणी भीषण अपघात होऊन एक महिला जागीच ठार झाली आहे. तरी देखील महामार्ग प्राधिकरणाकडे सातत्याने तक्रार करून देखील उपाय योजना करण्यात आलेले नाही. यामुळे अपघाताचे सत्र सुरूच आहे भरधाव येणाऱ्या वाहनांना रोख लागण्यासाठी समस्या सोडवण्याची मागणी तसेच ब्रेकर लावण्याची मागणी स्थानिक नागरिकांकडून करण्यात आली आहे.
