जळगाव राजमुद्रा वृत्तसेवा | जळगाव जिल्ह्यात मोटरसायकल चोरी करणाऱ्या गुन्हेगाराला स्थानिक गुन्हे शाखेच्या पथकाने पहूर, जामनेर येथे सापळा रचून अटक केली आहे. त्याच्याकडून पाचोरा पोलीस स्टेशन हद्दीत चोरी केलेली फॅशन प्रो मोटरसायकल हस्तगत करण्यात आलेली असून पुढील तपास केला जात आहे.
मिळालेल्या माहितीनुसार पोलिस निरीक्षक किरणकुमार बकाले यांना जळगाव जिल्ह्यात मोटरसायकल चोरी करणारा नसीर शेख सलीम शेख (वय ३५) रा. पहुर ता. जामनेर जि. जळगाव हा गुन्हेगार पहुर येथे असल्याची माहिती मिळाली. त्यानुषंगाने स्थानिक गुन्हे शाखेच्या पथकाने पहूर येथे सापळा लावून नसीर शेख सलीम शेख याला ताब्यात घेतले घेतले आहे. त्याच्याकडून पाचोरा पोलीस स्टेशन हद्दीत भाग ५ मध्ये गुरन १९४/२०२१ भादंवि ३७९ गुन्ह्या अंतर्गरत चोरी केलेली पॅशन प्रो ही गाडी हस्तगत करण्यात आली असून त्याला पुढील तपासाच्या कामे पाचोरा पोलिस स्टेशनचे ताब्यात देण्यात आलेले आहे.
स्थानिक गुन्हे शाखेच्या निरीक्षक किरणकुमार बकाले यांच्या अशोक महाजन, प्रदीप पाटील, सूनील दामोदरे, जयंत चौधरी, दीपक पाटील, नंदलाल पाटील, प्रमोद लाडवंजारी, किरण धनगर, भगवान पाटील, सचिन पाटील, मुरलीधर बारी यांच्या पथकाने ही कारवाई केली असून पुढील तपास करण्यात येत आहे.
