येवला राजमुद्रा दर्पण | कांद्याने शेतकरयांना रडवले आहे. यंदा कांद्याला कवडीमोल भाव मिळत असल्याने शेतकरी निराश झाला आहे. निफाडच्या विंचूरमध्ये कांद्याने शेतकऱ्यांना अक्षरश: रडवले आहे. विंचूर उपबाजारमध्ये झालेल्या लिलावात शेतकऱ्यांना कांद्यामध्ये कवडीमोल दर मिळाला आहे. त्यामुळे शेतकरी चांगलाच अडचणीच्या रिंगणात सापडला आहे.
शेतकऱ्यांनी विक्रीसाठी आणलेल्या लहान कांद्याला 51 रुपये क्विंटल म्हणजेच किलोमागे फक्त 5 पैशांचा भाव मिळाला आहे. त्यामुळे हाताश झालेल्या शेतकऱ्यांनी आपला कांदा पुन्हा घरी आणला. उत्पादन खर्च दूरच राहिला. वाहतूक खर्चही परवडत नसल्याने शेतकरी रडकुंडीला आला आहे.
येवला तालुक्यातील देशमाने येथील सुशील दुगड या शेतकऱ्याने लहान कांदा अर्थात गोल्टी कांदा विक्रीसाठी विंचूर येथील उपबाजार आवारात आणला. मात्र, काद्याला मिळणारा भाव पाहून त्यांना धक्काच बसला. नाशिक जिल्ह्यातील सर्वच बाजार समितीमध्ये कांद्याला कमी दर मिळत असल्यामुळे उत्पादन खर्च तर सोडाच वाहतूक खर्च सुद्धा निघत नसल्याने शेतकर्‍यांच्या डोळ्यात सध्या कांद्याने पाणी आणले आहे.
लहान कांद्याल केवळ 51 रुपये प्रति क्विंटल भाव मिळत आहे. मात्र, या कवडीमोल दरात कांदा विक्री करणे परवडत नसल्यामुळे काही शेतकऱ्यांनी आपला कांदा परत घरी नेला. 5 पैशाचा भाव मिळत असल्यामुळे शेतकऱ्यांसमोर मोठा प्रश्न निर्माण झाला आहे.
