मुंबई राजमुद्रा दर्पण | इंडस्ट्रीमध्ये अभिनेता सोहेल खान आणि पत्नी सीमा खानच्या घटस्फोटाच्या चर्चा रंगत असताना, सोहेल खानचा मोठा भाऊ आणि अभिनेता अरबाज खान अगदी मजेत आपले आयुष्य जगात असल्याचे दिसून येत आहे. सध्या सोशल मीडियावर अरबाज खानचे काही फोटो आणि व्हिडीओ व्हायरल हित असून, अरबाज गर्लफ्रेंड जॉर्जियासोबत दिसत आहे. इतकेच नाही तर त्यांच्यासोबत अभिनेत्री शहनाज गिल देखील दिसून आली आहे.
व्हायरल झालेले फोटो पाहून तुम्हाला प्रश्न पडला असेलच की हे फोटो नेमके कसले आहे? तर सध्या व्हायरल होत असलेले फोटो आणि व्हिडीओ अरबाजची गर्लफ्रेंड जॉर्जियाच्या वाढदिवसाच्या पार्टीचे आहेत. गर्लफ्रेंडच्या वाढदिवसानिमित्त अरबाज खानने त्याच्या मित्रांसाठी एका पार्टीचे आयोजन केले होते. या सेलिब्रेशनमध्ये अरबाज आणि जॉर्जियासोबत शहनाज गिल सर्वाधिक चर्चेत राहिली. पार्टीत शहनाज आणि जॉर्जियामध्ये बेस्ट फ्रेंडसारखं बाँडिंग पाहायला मिळालं. शहनाज गिल, अरबाज आणि जॉर्जियासोबत पार्टी करताना दिसली. याआधी अर्पिता खानच्या घरी झालेल्या ईद पार्टीतही शहनाज सलमान खानच्या अगदी जवळ दिसली. सलमान आणि शहनाजचे फोटो आणि व्हिडीओ देखील सोशल मीडियावर तुफान व्हायरल झाले.
शहनाज गील लवकरच सलमान खान स्टारर ‘कभी ईद कभी दिवाली…’ सिनेमातून चाहत्यांच्या भेटीस येणार आहे. दरम्यान, खान कुटुंबीयांसोबत शहनाजचे व्हिडिओ आणि फोटो पाहिल्यानंतर, चाहत्यांचे म्हणणे आहे की शहनाज गिल खान कुटुंबाच्या खूप जवळ येत आहे.
