मुंबई राजमुद्रा दर्पण | रॉयल चॅलेंजर्स बंगळुरू यांचे आयपीएल जिंकण्याचे स्वप्न यंदाही धुळीत मिसळले आहे. आयपीएल 2022 च्या दुसऱ्या क्वालिफायरमध्ये रॉयल चॅलेंजर्स बंगळुरूचा
राजस्थानने पराभव केला असून, बंगळूरूचा फलंदाज विराट कोहली पुन्हा एकदा फेल ठरलाय. अवघे 7 रन्सवर तो प्रसिद्ध कृष्णाचा बळी ठरलाय. कॉल हिच्या या अपयशानंतर चाहते त्याला पुन्हा सोशल मीडियावर ट्रोल करत आहेत.
तर आता विराट कोहलीचा फॉर्म पाहता फॅन्स त्याच्यावर टीका करतायत. यावेळी विराट कोहलीने आता निवृत्ती घ्यायला हवी असे सोशल मीडियाच्या माध्यमातून त्याला संदेश देण्यात येत आहे. यामध्ये एका युझरने, आयपीएलच्या यंदाच्या सिझनमधील विराट कोहली सर्वात वाईट खेळाडू ठरला असल्याचं म्हटलंय. तर दुसऱ्या एका युझरने त्याला, ट्रोल होण्यापेक्षा आता निवृत्ती घेण्याचा सल्ला दिला आहे.
आयपीएलच्या 15 व्या मोसमातील क्वालिफायर 2 सामन्यात राजस्थान रॉयल्सने आरसीबीवर 7 विकेट्सने विजय मिळवला. आरसीबीने विजयासाठी दिलेल्या 158 रन्सचे आव्हान राजस्थानने 11 बॉलआधी 3 विकेट्सच्या मोबदल्यात पूर्ण केले. या विजयासह राजस्थानने अंतिम सामन्यात उडी घेतली. त्यामुळे आरसीबीचे आयपीएल क्रिकेट जिंकण्याचे स्वप्न अधुरेच राहिले आहे.
