पंजाब राजमुद्रा दर्पण | लोकप्रिय गायकाला गोळ्या झाडून हत्या केल्याची धक्कादायक घटना समोर आली आहे. या गायकाची काल शनिवारीच गायकाच्या सुरक्षारक्षक यांच्यात घट करण्यात आली होती. या गोळीबारात गायकासोबत असलेल्या इतर तिघांवरही गोळीबार करण्यात आला.
पंजाबमधील लोकप्रिय गायक सिद्धू मूसेवालाची गोळी घालून हत्या करण्यात आली आहे. सिद्धूवर मनसाइथील जवाहर गावाजवळ गोळीबार करण्यात आला. या गोळीबारानंतर सिद्धूला रुग्णालयात दाखल करण्यात आले. मात्र रुग्णालयात सिद्धूला मृत घोषित करण्यात आले. तर त्याच्यासोबत असलेल्या तिघांवरही गोळीबार झाला. यामध्ये तिघे जखमी झाले. या तिघांवर मानसा रुग्णालयात उपचार सुरु आहेत. हत्येमागे नेमके काय कारण होते, याबाबतचे कारण अस्पष्ट आहे. तसेच एकाएकी असा सर्व प्रकार घडल्याने एकच खळबळ उडाली आहे. पोलिस संपूर्ण घटनेचा तपास घेत आहे.
