राजमुद्रा दर्पण वृत्तसेवा – कर्नाटकातील शिवमोग्गा येथे वीर सावरकरांच्या पोस्टरमुळे खळबळ उडाली आहे. हिंदुत्ववादी संघटनांनी स्वातंत्र्य दिनानिमित्त लावलेल्या या पोस्टरला काही मुस्लिम तरुणांनी विरोध करण्यास सुरुवात केली. यानंतर कर्नाटक पोलिसांनी जिल्ह्यातील काही भागात संचारबंदी लागू केली आहे. सावरकरांचे चित्र हटवण्यासाठी हिंदू संघटनांनी निदर्शने सुरू केली आहेत.
अशाच एका बॅनरवरून मंगळुरूच्या सुरतकल जंक्शनवर गदारोळ झाला. येथील सोशल डेमोक्रॅटिक पार्टी ऑफ इंडियाच्या (SDPI) कार्यकर्त्यांनी सावरकरांच्या चित्रावर आक्षेप घेतला आणि त्यानंतर हा फ्लेक्स काढण्यात आला. येथील एका मंडळाला सावरकरांचे नाव देण्यात आले. त्याला मंगळुरू सिटी कॉर्पोरेशननेही मान्यता दिली आहे. भाजप आमदार वाय भरत शेट्टी यांच्या मागणीवरून मंडळाला सावरकरांचे नाव देण्यात आले.
एसडीपीआयच्या स्थानिक नेत्याने सांगितले की, सुरतकल हे संवेदनशील क्षेत्र आहे त्यामुळे ही बाब पोलिसांच्या निदर्शनास आणून दिली. मंडळाला सावरकरांचे नाव देण्यास एसडीपीआयचाही विरोध आहे. गेल्या काही वर्षांत कर्नाटकातून अनेक जातीय घटना समोर आल्या आहेत.
Tension in #Shivmoga, #Karnataka over savarkar poster, curfew imposed #savarkar #curfew #poster pic.twitter.com/AEyPHKXRKb
— Himanshu dixit (@HimanshuDixitt) August 15, 2022
टिपू सुलतानच्या पोस्टरवरून वाद :-
कर्नाटकात काँग्रेस कार्यकर्त्यांनी स्वातंत्र्यसैनिकांसह टिपू सुलतानचे पोस्टर लावले. यानंतर डीके शिवकुमार घटनास्थळी पोहोचले. त्यानंतर शिवकुमार यांनी सीएम बोम्मई यांच्यावर निशाणा साधला आणि त्यांनी पंडित नेहरूंचे नाव स्वातंत्र्य सैनिकांच्या यादीतून वगळल्याचे सांगितले. अनेक ट्विट करत त्यांनी सावरकरांवरही हल्ला चढवला.
