मुंबई : आजकाल सोशल मिडीयावर मनोरंजनाचा मोठा खजाना भरलेला आहे. मोठ्या संख्येनं युजर्स यावर तासन् तास वेळ घालवतात. असे असले तरी यातून तुम्ही चांगली कमाई देखील करु शकता. इंस्टाग्राम रील्स सध्या खूप लोकप्रिय होत आहेत. इंस्टाग्राम रील्स बनवल्यास तुम्हीही इन्स्टाग्राम रील्सच्या माध्यमातून मोठी कमाई करू शकता. इन्स्टाग्राम मनोरंजनासोबतच ते उत्पन्नाचे साधनही बनत आहे. विशेष गोष्ट म्हणजे वापरकर्त्यांना त्यावर भरपूर कंटेंट मिळत आहे. तुम्ही इन्स्टाग्रामवर रील्सच्या माध्यमातून व्हिडिओही अपलोड करत असाल, पण तुम्हाला माहिती आहे का की इन्स्टाग्रामवरून बोनस म्हणजेच पैसे कसे मिळतात.
वास्तविक, Reels कंटेंट क्रिएटर्सला Instagram द्वारे बोनस दिला जातो, ज्याद्वारे कंटेंट क्रिएटर्स पैसे कमवू शकतात. विशेष बाब म्हणजे इंस्टाग्राम केवळ अशाच युजर्सला या बोनस प्रोग्रामचा भाग बनवते, जे कंटेंटच्या अटी पूर्ण करतात. याशिवाय, इन्स्टाग्रामच्या नियमांची यादी देखील आहे, ज्यामध्ये सहभागी युजर्सला या बोनस प्रोग्रामचा भाग बनवले जात नाही.
इन्स्टाग्राम बोनस प्रोग्राम
इंस्टाग्राम रील्स प्ले हा एक विशेष बोनस प्रोग्राम आहे ज्याद्वारे रील्स कंटेंटवर पैसे मिळवता येतात. हा एक इनवाइट ओन्ली बोनस प्रोग्राम आहे, ज्यासाठी काही युजर्सला Instagram द्वारे निमंत्रित केले जाते. जर तुम्हाला निमंत्रित केले असेल तर तुम्हाला सूचना मिळेल, त्यानंतर तुम्हाला या प्रोग्राममध्ये एका निश्चित प्रक्रियेत सहभागी व्हावे लागेल. यामध्ये रील्स अपलोड करण्यापूर्वी इन्स्टाग्रामवर माहिती द्यावी लागेल.
कोणत्या युजर्सला संधी मिळते?
इंस्टाग्रामच्या अधिकृत वेबसाइटवर दिलेल्या माहितीनुसार, युजर्सची निवड त्यांच्या रील्सच्या कामगिरीच्या आधारे केली जाते. यामध्ये रील्सचा आशय, आक्षेपार्ह भाषा, आक्षेपार्ह दृश्ये अशा अनेक गोष्टीही तपासल्या जातात. सध्या इंग्रजीसह अनेक भाषांमधील कंटेंटला प्राधान्य दिले जात आहे.
या युजर्सला वगळले जाते
Instagram च्या मते, दुसऱ्या धारकाने दावा केलेल्या रील्स निवडल्या जात नाहीत. तुमच्या खात्यावर 3 स्ट्राइक आल्यास, तुम्ही एका महिन्यासाठी अपात्र होणार. दुसरीकडे, जर तुम्ही अपीलमध्ये स्वतःला योग्य सिद्ध केले तर तुम्हाला संधी मिळू शकते. त्याच वेळी, रील्समध्ये कोणतेही ब्रँडेड कंटेंट असले तरीही, तुमचे कंटेंट नाकारले जाईल. कंटेंटमध्ये कंपनीचे नाव, लोगो वापरल्यास अडचण येऊ शकते.
अशा प्रकारे पैसे कमवू शकता
2019 मध्ये फेसबुकने इंस्टाग्राम रील्सची सुरुवात केली होती, त्यावेळी ती फक्त काही देशांमध्ये रिलीज झाली होती, परंतु 2020 मध्ये फेसबुकने इंस्टाग्राम रील्स सर्वांसाठी पूर्णपणे रिलीज केली. इंस्टाग्राम रील्स हे पैसे कमावणारे एक चांगले अॅप आहे ज्यामध्ये तुम्ही शॉर्ट्स व्हिडिओ बनवून सहज पैसे कमवू शकता. यासाठी, प्रथम तुम्हाला इन्स्टाग्राम रील्समधून पैसे कमवण्यासाठी तुमचे फॉलोअर्स वाढवावे लागतील. तरच तुम्हाला प्रायोजकांसाठी ऑफर मिळतील आणि फेसबुक 10000 फॉलोअर्स झाल्यानंतर रील्स Monetize करते.
