भुसावळ : महाविद्यालयीन विद्यार्थ्यावर भरदिवसा चाकू हल्ला केल्याची घटना भुसावळ शहरातील जामनेर रोडवरील हिमालया पेट्रोल पंपांसमोर घडली. या घटनेमुळे शहरात एकच खळबळ उडाली असून, पालकांमध्ये भितीचे वातावरण निर्माण झाले आहे.
याबाबत सविस्तर वृत्त असे की, शहरातील नाहाटा महाविद्यालयात इयत्ता १२ वी मध्ये शिकत असलेला आदित्य कैलास सावकारे याच्यावर हिमालया पेट्रोल पंपांसमोर जीवघेणा हल्ला झाल्याची घटना घडली आहे. घटनेची माहिती कळताच बाजारपेठेचे पोलीस निरीक्षक राहुल गायकवाड त्यांचे सहकारी प्रशांत परदेशी, निलेश चौधरी, तुषार पाटील, मिलिंद कंक, अतुल कुमावत यांनी घटनास्थळी धाव घेतली. जखमीला ड्रामा केअर सेंटर मध्ये उपचाराकरिता दाखल करण्यात आले आहे. या घटनेची वार्ता शहरात पसरताच महाविद्यालय परिसरात मोठी गर्दी झाली होती.
