जळगाव राजमुद्रा वृत्तसेवा | शनिपेठ परिसरातील गवळीवाडा येथे कुंदन सुरेश पाटील ( वय ३२) रा. घनश्याम काळे नगर, या तरुणास चार ते पाच अज्ञातांनी मारहाण करून गंभीर जखमी केले. कुंदन पाटील हा तरुण बाजारपेठेत जात असताना दुपारी साडेतीनच्या सुमारास ही घटना घडली.
मिळालेल्या माहिती नुसार शिवाजीनगर परिसरात घनश्याम काळे नगर येथील क्षत्रिय मराठा मंगल कार्यालयाजवळ राहणाऱ्या कुंदन सुरेश पाटील या सेंट्रींग काम करणाऱ्या तरुणाला दुपारी साडेतीनच्या सुमारास चार ते पाच अज्ञात इसमांनी मारहाण करून गंभीर जखमी केले आहे. कुंदन बाजारपेठेत बाजार करण्यासाठी जात असताना त्याला जुन्या वादातून अज्ञातांकडून मारहाण करण्यात आली.
तरुणाला कमरेवर, चेहर्‍यावर तसेच डोक्याला जबर मार लागला असून गंभीर अवस्थेत एका खाजगी रुग्णालयात दाखल करण्यात आले आहे. मारहाणीचे खरे कारण अद्याप स्पष्ट झाले नसून पोलीस ठाण्यात तक्रार दाखल करण्याचे काम सुरू आहे.
