चोपडा : तालुक्यातील अडावद जवळ चोपडा डेपोच्या एसटी बसला भीषण अपघात झाला आहे. या अपघातात काही प्रवासी जखमी झाल्याची माहिती समोर येत आहे. या अपघातात बसच्या समोरील भागाचा चुराडा झाला आहे.
घटनास्थळावरून मिळालेली माहिती अशी की, चोपडा एसटी महामंडळ आगाराची जळगाव-चोपडा बसला ट्रकने जोरदार धडक दिल्यामुळे अपघात झाला आहे. या घटनेत बसच्या समोरील भागाला जोरदार धडक बसली असून, बसचे मोठे नुकसान झाले आहे. घटनेची माहिती मिळताच गावकरी तसेच स्थानिक यंत्रणेकडून मदतकार्य सुरू झाले आहे.
ग्रामस्थांकडून मदतकार्य
या घटनेत किती प्रवासी जखमी झाले याची आकडेवारी अद्याप मिळू शकलेली नाही. हा अपघात इतका भीषण होता, की बसची चालकासमोरील बाजू चक्काचूर झाली. अपघातानंतर आजूबाजूच्या व गावातील युवकांनी घटनास्थळी धाव घेऊन जखमींना गाडीतून बाहेर काढून रुग्णालयात दाखल केले. या अपघाताची नोंद पोलिस ठाण्यात केली झाली जात आहे.
