मुंबई: सरकारी नोकऱ्यांची तयारी करणाऱ्या तरुणांसाठी इंडियन ऑइल कॉर्पोरेशन लिमिटेड (IOCL) मध्ये नोकरीची सुवर्ण संधी आहे. IOCL ने तांत्रिक आणि गैर-तांत्रिक दोन्ही क्षेत्रांसाठी तंत्रज्ञ, पदवीधर आणि ट्रेड अप्रेंटिसच्या पदांसाठी अर्ज मागवले आहेत. उमेदवारांना या नोकरीसाठी ऑनलाइन अर्ज करावा लागेल. IOCL च्या अधिकृत वेबसाइट iocl.com वर जाऊन उमेदवार ऑनलाइन अर्ज करू शकतात. 3 जानेवारीपासून नोंदणी सुरू होणार आहे.
इंडियन ऑइलमध्ये एकूण 1760 पदे रिक्त आहेत. आंध्र प्रदेश, तेलंगणा, कर्नाटक, तामिळनाडू आणि पुद्दुचेरी, केरळ, महाराष्ट्र, गुजरात, गोवा, मध्य प्रदेश, छत्तीसगड, दादरा आणि नगर हवेली आणि दमण आणि दीव, पश्चिम बंगाल यासह विविध ठिकाणी इंडियन ऑइलचे विभाग असून, यामध्ये नियुक्त्या केल्या जातील. उमेदवारांना यातील कुठल्याही प्रकल्पात काम करावे लागेल.
IOCL भरती पात्रता निकष
शैक्षणिक पात्रता:
टेक्निशियन अप्रेंटिससाठी उमेदवाराने आयटीआय केलेले असावे. मेकॅनिकल पदासाठी, उमेदवाराकडे अभियांत्रिकीमध्ये तीन वर्षांचा पूर्णवेळ डिप्लोमा असणे आवश्यक आहे. ग्रॅज्युएट अप्रेंटिस पदाच्या उमेदवाराकडे पूर्णवेळ पदवी असणे आवश्यक आहे.
वयोमर्यादा:
केवळ 18 ते 24 वयोगटातील उमेदवारांना अर्ज करण्याचा पर्याय देण्यात आला आहे. आरक्षित उमेदवारांना वयात सवलत दिली जाईल.
अर्ज कसा करायचा?
- उमेदवारांना सर्वप्रथम IOCL iocl.com च्या अधिकृत वेबसाइटवर जावे लागेल.
- वेबसाइटवरील करिअर विभागात जा आणि अर्ज करा.
- येथे तुम्हाला तुमचे नाव, मोबाईल नंबर, ईमेल आयडी आणि सर्व माहिती द्यावी लागेल.
- ऑनलाइन अर्ज भरल्यानंतर, सर्व आवश्यक कागदपत्रे स्कॅन करा.
- सर्व माहिती तपासल्यानंतर फॉर्म सबमिट करा.
- अर्ज डाउनलोड करा आणि त्याची प्रिंट काढा.
निवड कशी होईल?
- उमेदवारांची निवड ऑनलाइन चाचणी आणि पात्रता निकष पूर्ण केल्यानंतर केली जाईल.
- ऑनलाइन परीक्षा MCQ स्वरूपात घेतली जाईल.
- सर्व उमेदवारांना प्रथम ऑनलाइन चाचणी द्यावी लागेल, त्यानंतर कागदपत्रांची पडताळणी केली जाईल आणि शेवटी वैद्यकीय चाचणी घेतली जाईल.
