मुंबई : सोनी सब टीव्हीवरील मालिका ‘अलिबाबा: दास्तान ए काबुल’ची मुख्य अभिनेत्री तुनिषा शर्माने आत्महत्या केली आहे. या प्रसिद्ध टीव्ही अभिनेत्रीने मालिकेच्या नायगाव येथील सेटवर गळफास लावून घेतला. आत्महत्येचे कारण अद्याप समोर आलेले नाही. तुनिशा 20 वर्षांची होती.
तुनिषाने तिच्या करिअरची सुरुवात इंडस्ट्रीमध्ये बालकलाकार म्हणून केली होती. तुनिषाने भारत का वीर पुत्र – महाराणा प्रताप या चित्रपटातून टीव्हीवर पदार्पण केले होते. तुनिषाने गळफास घेतल्याची माहिती मिळताच सेटवर उपस्थित लोकांनी तात्काळ अभिनेत्रीला रुग्णालयात नेण्याचा प्रयत्न केला पण वाटेतच तिचा मृत्यू झाला. आता तिचा मृतदेह शवविच्छेदनासाठी भिवंडी (ठाणे) रुग्णालयात पाठवण्यात आला आहे. सध्या सोनी सब टीव्ही मालिका अली बाबा: दास्तान-ए-काबुलमध्ये तुनिशा राजकुमारी मरियमची भूमिका साकारत होती. तुनिशा फितूर, बार बार देखो, कहानी 2: दुर्गा रानी सिंह, दबंग 3 यांसारख्या चित्रपटांमध्येही दिसली होती. कलर्स टीव्हीवरील तिची ‘इंटरनेट वाला लव’ ही मालिका लोकांना खूप आवडली.
सेटवरील कलाकारांना धक्का बसला
तुनिषा शर्मा सोशल मीडियावर खूप सक्रिय होती. नेहमी आनंदी राहणाऱ्या आणि सेटवर सगळ्यांशी हसतमुख बोलणाऱ्या या अभिनेत्रीने असे पाऊल उचलल्याने सर्वांनाच धक्का बसला आहे. काही काळापूर्वी टीव्ही अभिनेत्री वैशाली ठक्करनेही अशाच प्रकारे आत्महत्या केली होती.
काही काळापूर्वी नवीन शो सुरू झाला
तुनिषाचा अली बाबा हा नवा शो काही काळापूर्वी सुरू झाला होता. या मालिकेबद्दल अभिनेत्री खूप उत्सुक होती. तिला विश्वास होता की बऱ्याच काळानंतर ती पुन्हा एकदा टीव्हीवर एक पीरियड ड्रामा करत आहे, ज्यामध्ये ती अनेक आव्हानात्मक लूक ट्राय करू शकते. तिच्या चाहत्यांनाही आवडत्या अभिनेत्रीची ही स्टाईल आवडली होती.
