नवी दिल्ली: आज 25 डिसेंबर रोजी पंतप्रधान नरेंद्र मोदी यांनी त्यांच्या खास रेडिओ कार्यक्रम ‘मन की बात’मध्ये या वर्षातील शेवटचे भाषण केले. आज पंतप्रधानांच्या विशेष कार्यक्रमाची 96 वी आवृत्ती होती. 13 डिसेंबर रोजी पंतप्रधानांनीही कार्यक्रमाबाबत लोकांकडून सूचना मागवल्या होत्या. यापूर्वी 27 नोव्हेंबर रोजी मन की बात दरम्यान, पंतप्रधान मोदींनी खाजगी क्षेत्राद्वारे वित्तपुरवठा केलेल्या देशातील पहिल्या रॉकेट विक्रम-एसच्या प्रक्षेपणाचे कौतुक केले होते.
पंतप्रधानांनी मन की बातमध्ये जी-20 च्या अध्यक्षपदावरही चर्चा केली. हा प्रसंग भारतासाठी संधी असल्याचे त्यांनी वर्णन केले. कोरोनामुळे शेजारील देश चीनमध्ये हाहाकार माजला असताना त्याचा धोका भारतावरही आहे. अशावेळी पंतप्रधानांनी वर्षातील शेवटची मन की बात केली आहे.
1) पंतप्रधान नरेंद्र मोदी यांनी 2022 मधील अनेक कामगिरीचे स्मरण केले. पीएम मोदी म्हणाले की, 2022 हे वर्ष देखील खास होते कारण या वर्षी भारताने स्वातंत्र्याचा अमृत महोत्सव साजरा केला. पंतप्रधान नरेंद्र मोदी यांनी ‘मन की बात’च्या 96 व्या एपिसोडमध्ये ‘ख्रिसमस’च्या शुभेच्छा दिल्या आणि माजी पंतप्रधान अटलबिहारी वाजपेयी यांनाही श्रद्धांजली वाहिली.
2) देशात पुन्हा एकदा कोरोना विषाणूच्या संसर्गाचा धोका निर्माण झाला आहे. आपल्या मन की बातमध्ये पंतप्रधानांनी लोकांना सावध राहण्याचा सल्ला दिला आहे. त्यांनी मास्क लावा आणि खबरदारी घेण्याचा सल्ला दिला. मन की बातमध्ये पीएम मोदी म्हणाले, “जगातील अनेक देशांमध्ये कोविड-19 ची प्रकरणे वाढत असल्याचे आपण पाहत आहोत. आपण सावधगिरी बाळगणे आवश्यक आहे, मास्क घालणे आणि हात धुणे आवश्यक असल्याचे ते म्हणाले.”
3) ‘मन की बात’च्या या वर्षातील शेवटच्या एपिसोडमध्ये पंतप्रधान मोदींनी माजी पंतप्रधान अटलबिहारी वाजपेयी यांचेही स्मरण केले आणि म्हटले, पंतप्रधान मोदी म्हणाले की, माजी पंतप्रधान अटलबिहारी वाजपेयी यांनी शिक्षण, परराष्ट्र धोरण आणि पायाभूत सुविधांसह प्रत्येक क्षेत्रात भारताला नव्या उंचीवर नेले.
4) पंतप्रधान मोदी म्हणाले की, यावर्षी भारताला G-20 गटाच्या अध्यक्षपदाची जबाबदारीही मिळाली आहे. मागच्या वेळीही मी याबद्दल सविस्तर चर्चा केली होती. पंतप्रधान म्हणाले की, 2023 साली आपल्याला G-20 चा उत्साह नव्या उंचीवर घेऊन जायचा आहे.
5) पीएम मोदी म्हणाले, “मला आनंद आहे की पुराव्यावर आधारित औषधांच्या युगात योग आणि आयुर्वेद आता आधुनिक युगाच्या कसोटीवर उतरत आहेत. टाटा मेमोरियल सेंटरने केलेल्या सखोल संशोधनातून दिसून आले की, योग ब्रेस्ट कँसरवर प्रभावी ठरू शकतो. त्यामुळे लोकांनी आयुर्वेदाला जीवनाचा भाग बनवण्याचे आवाहन पंतप्रधान मोदींनी केले.
6) पीएम मोदी म्हणाले, “गेल्या काही वर्षांत आम्ही आरोग्य क्षेत्रातील विविध आव्हानांवर मात केली आहे. आम्ही भारतातून स्मॉल पॉक्स आणि पोलिओसारख्या आजारांना संपवले आहे. आता काळाआजार रोगही संपणार आहे. हा आजार आता फक्त बिहार आणि झारखंडमधील चार जिल्ह्यांमध्ये आहे.
7) ‘मन की बात’ द्वारे या वर्षातील आपले शेवटचे भाषण संपवत पंतप्रधान मोदी म्हणाले, “पुढच्या वेळी आपण 2023 मध्ये भेटू. 2023 या नववर्षासाठी मी तुम्हा सर्वांना शुभेच्छा देतो. हे वर्षही देशासाठी खास असेल. पीएम मोदी म्हणाले की, “देशाने नवीन उंची गाठली पाहिजे, आपण एकत्रितपणे संकल्प केला पाहिजे आणि तो प्रत्यक्षात आणला पाहिजे.”
