जामनेर : भरधाव डंपरने दिलेल्या धडकेत एसटी कर्मचार्याचा मृत्यू झाला असून एक जण गंभीर जखमी झाला आहे. आज रात्री साडेनऊच्या सुमारास हा अपघात घडला.
याबाबत सविस्तर वृत्त असे की, जामनेर येथे आज रात्री साडेनऊ वाजेच्या सुमारास वाकी रोडवरील हरिओम नगर जवळ भरधाव वेगाने जाणार्या डंपर ने दुचाकीला धडक दिल्यामुळे निलेश नामदेव बडगुजर ( वय ३२ राहणार पाळधी, ता. जामनेर ) या एसटी कर्मचारी चा जागेवरच मृत्यू झाल्याची घटना घडली आहे.
दुचाकीवर जाताना घडली दुर्घटना
जामनेर शहरातील वाकी रोडवरील हरिओम नगर जवळ एसटी कर्मचारी निलेश नामदेव बडगुजर व मित्र नितीन माधव सोनवणे हे दुचाकीवर जात असताना जामनेरकडे येणार्या डंपर वाहनाने समोरून धडक दिल्यामुळे निलेश नामदेव बडगुजर राहणार पाळधी हल्ली मुक्काम जामनेर याचा जागीच मृत्यू झाल्याची घटना घडली असून नितीन सोनवणे हे जखमी झाले आहेत.
