पुणे : बारावीच्या भाैतिकशास्त्र (फिजिक्स)सह लाॅजिक आणि एमसीव्हीसी पेपर 1 विषयाच्या परीक्षेदरम्यान काॅपी करणाऱ्या 50 विद्यार्थ्यांवर कारवाई करण्यात आली आहे. त्यामध्ये पुणे विभागीय मंडळातील विविध परीक्षा केंद्रांवरील 19 काॅपीबहाद्दरांचा समावेश आहे.
बाेर्डाच्या बारावी परीक्षेस मंगळवार 23 फेब्रुवारीपासून सुरुवात झाली आहे. दरम्यान, इंग्रजी वगळता इतर भाषा विषयांच्या पेपरला काॅपी केल्याप्रकरणी 39 विद्यार्थ्यांवर कारवाई करण्यात आली हाेती. त्यानंतर, साेमवारी 27 फेब्रुवारी राेजी सकाळच्या सत्रात फिजिक्ससह, लाॅजिक आणि एमसीव्हीसी पेपर 1 या विषयाचे पेपर झाला. हा विषय अनेकांना आव्हानात्मक वाटताे. त्यामुळे अनेक केंद्रावर काॅपी करण्याचे प्रकार वाढल्याचे दिसून आले. राज्यातील परीक्षा केंद्रावर परीक्षार्थी विद्यार्थ्यांची तपासणी करण्यात आली त्यामध्ये तब्बल 50 जण काॅपी करताना आढळून आले आहेत.
या विभागांमध्ये झाली कारवाई
औरंगाबाद विभागीय मंडळात सर्वाधिक 22 विद्यार्थ्यांवर कारवाई करण्यात आली. त्या पाठाेपाठ पुणे मंडळातील परीक्षा केंद्रांवर 19 जणांना काॅपी करताना पकडण्यात आले. अमरावती आणि लातूर 3, तसेच नागपूर, काेल्हापूर, नाशिक प्रत्येकी 1 अशा एकूण 50 काॅपीबहाद्दरांवर कारवाई करण्यात आली आहे.
