यावल: तालुक्यातील अट्रावल येथील रहिवासी राजेंद्र प्रभाकर चौधरी यांच्या यावल शेत शिवार मधील ९ हजार केळीच्या रोपांमधील खोडं व, केळीचे घड ७ हजार खोडांची एकूण २५ लाख रुपये किमतीचे, कापून फेकल्याचे नुकसान केल्याप्रकरणी अज्ञात इसमाविरूध्द यावल पोलिसात गुन्हा दाखल करण्यात आला आहे.
यावल तालुक्यातील अट्रावल येथील रहिवासी राजेंद्र प्रभाकर चौधरी यांच्या यावल शिवारातील शेतामध्ये केळीचे ९ हजार रोप लागवड करण्यात आली होती. फिर्यादीचा मुलगा भूषण चौधरी हा आज ५ मार्च रोजी सकाळी शेतामध्ये गेला असता, शेतामधील 7 हजार केळीच्या खोडांची व घडांची कापून नुकसान केलेले दिसले. सदर घटना वडिलांना भ्रमणध्वनीवरून कळवली असता, परिसरातील शेतकरी या ठिकाणी जमा झाले.
पोलिसांकडून नुकसानीची पाहणी
याबाबत राजेंद्र प्रभाकर चौधरी यांनी यावल पोलीस पोलीस गाठले त्यांनी दिलेल्या तक्रारीनुसार पोलिसांनी गुन्हा दाखल केला. यात २५ लाख रुपयाचे नुकसान झाल्याचे नमूद करण्यात आले आहे. पोलीस निरीक्षक राकेश माणगावकर यांनी घटनास्थळी जाऊन पाहणी केली.
