पुणे :पुणे महापालिकेत एकूण ३२० पदांसाठी भरती प्रक्रिया सुरू करण्यात आली आहे. पालिका आस्थापनेवरील वर्ग १, वर्ग २ आणि वर्ग ३ मधील रिक्त पदे सरळसेवा प्रवेशाने भरण्यासाठी जाहिरात प्रसिद्ध करण्यात आली असून, यासाठी दि. ८ ते २८ मार्चपर्यंत अर्ज भरता येणार आहेत.
महापालिकेतील आरोग्य, उद्यान, अभियांत्रिकी, तांत्रिक व अग्निशमन दलातील रिक्त पदांसाठी ही जाहिरात देण्यात आली आहे. पुणे महापालिकेने या आगोदर ४४८ पदांची भरती केली होती. हा दुसरा टप्पा आहे. महापालिकेच्या आरोग्य, उद्यान, अभियांत्रिकी, तांत्रिक व अग्निशमन सेवेमधील आहेत. इच्छुकांना महापालिकेच्या https://pmc.gov.in/mr/recruitments या लिंकवर अर्ज करता येईल.
परीक्षा शुल्क किती लागणार?
यासाठी खुला प्रवर्गातील उमेदवारांसाठी १ हजार रुपये आणि मागास प्रवर्गाच्या उमेदवारांसाठी नऊशे रुपये परीक्षेचे प्रवेश शुल्क निश्चित करण्यात आले आहे, अशी माहिती सामान्य प्रशासन विभागाचे उपायुक्त सचिन इथापे यांनी दिली.
ही आहेत पदे
– क्ष-किरण तज्ज्ञ (रेडिओलॉजिस्ट, सोनोलॉजिस्ट) (८ पदे)
– वैद्यकीय अधिकारी, निवासी वैद्यकीय अधिकारी (२० पदे)
– उपसंचालक (प्राणी संग्रहालय) (१ पद)
– पशुवैद्यकीय अधिकारी (२ पदे)
– वरिष्ठ आरोग्य निरीक्षक, सिनिअर सॅनिटरी इन्स्पेक्टर, विभागीय आरोग्य निरीक्षक (२० पदे)
– कनिष्ठ अभियंता (विद्युत) (१० पदे)
– आरोग्य निरीक्षक, सॅनिटरी इन्स्पेक्टर (४० पदे)
– वाहन निरीक्षक, व्हेईकल इन्स्पेक्टर (३ पदे)
– औषध निर्माता (१५ पदे)
– पशुधन पर्यवेक्षक (लाईव्ह स्टॉक सुपरवायझर) (१ पद),
– अग्निशामक विमोचक, फायरमन (२०० पदे)
