पाचोरा : पाचोरा तालुक्यातील अंतुर्ली येथील रहिवाशी असलेल्या तरूणाचा अज्ञातांनी धारदार शस्त्राने वार करून निर्घृण खून केल्याची धक्कादायक घटना मध्यरात्रीच्या सुमारास उघडकीला आली आहे. या घटनेमुळे जळगाव जिल्ह्यात खळबळ उडाली आहे. मारेकरी अज्ञात असून खून करण्याचे कारण समोर आलेले नाही.
अमोल उर्फ सोनू देविदास पाटील (वय-४०, रा. अंतुर्ली ता. पाचोरा) असे खून झालेल्या तरूणाचे नाव आहे. अमोल पाटील हा व्यवसायिक आहे. दरम्यान, एरंडोल तालुक्यातील भातखंडे आणि उत्राण परिसरात अमोलचा मध्यरात्री अज्ञात मारेकरींनी धारदार शास्रने वार करून निर्घृण खून केल्याचे रविवारी सकाळी समोर आले आहे. या घटनेने परिसरात खळबळ उडाली आहे.
जुन्या वादातून खून
दरम्यान, पोलीसांनी घटनस्थळी धाव घेवून मृतदेहाचा पंचनामा केला. पुढील कारवाईसाठी मृतदेह जिल्हा रूग्णालयात नेण्यात आला आहे. नेमका हा खून करण्यामागचे कारण जरी समोर आलेले नसले तरी जुन्या वादातून झाला असावा असे बोलले जात आहे. पोलीस अधिकारी व कर्मचारी यांनी पुढील कारवाईला सुरूवात केली आहे.
