जळगाव : राज्याचे कृषिमंत्री अब्दुल सत्तार हे तालुक्यात गारपीटग्रस्त शेतकऱ्यांच्या शेताची पाहणी करण्यासाठी बुधवारी आलेले होते. त्यावेळी धरणगाव शहरात शिवसेना ठाकरे गटाकडून सत्तार यांच्या ताफ्यावर कापूस फेकत निषेध केला. यावेळी, ‘५० खोके, एकदम ओके’ अशा घोषणा दिल्या. यावेळी पोलिसांची तारांबळ उडाली.
कृषिमंत्री अब्दुल सत्तार हे जळगाव जिल्ह्यात शेतकऱ्यांच्या शेताची पाहणी करण्यासाठी आलेले होते. धरणगाव तालुक्यात आले असताना त्यांना शिवसेना ठाकरे गटाने विरोध केला. त्यांना खोके दाखवून, तसेच त्यांच्या ताफ्यावर कापूस फेकला. “सरकार हमसे डरती है, पुलिस को आगे करती है” “५० खोके, एकदम ओके” अशा घोषणा देऊन अब्दुलसत्तार व राज्य सरकारचा ठाकरे गटाने निषेध केला.
कपाशीला हमीभाव द्या
यावेळी आंदोलनात ठाकरे गटाचे नेते गुलाबराव वाघ, निलेश चौधरी यांच्यासह अनेक कार्यकर्त्यांनी सहभाग घेतला. कापसाला १० ते १२ हजार भाव मिळाला पाहिजे, शेतकऱ्याच्या तोंडाला पाने पुसण्याचे काम राज्य सरकार करीत आहे, अशी माहिती गुलाबराव वाघ यांनी माध्यमांना दिली.
