जळगाव : चोपडा तालुक्यातील मितावली येथे लहान भावाने आपल्या मोठ्या भावावर विळ्याने वार करुन हत्या केल्याची धक्कादायक घटना घडली आहे. या घटनेनं घटनेमुळे परिसरात एकच खळबळ उडाली आहे. याप्रकरणी आरोपीस पोलिसांनी अटक केली.
चोपडा तालुक्यातील मितावली येथे संदीप प्रताप पाटील आणि सतीश प्रताप पाटील (वय ३६) हे दोन भाऊ वास्तव्याला होते. हे दोन्ही जण आपलील वडिलोपार्जीत शेती करून उदरनिर्वाह करत असत. दरम्यान, हे दोन्ही भाऊ आपल्या पारगाव शिवारात काम करण्यासाठी सोबत गेले होते दरम्यान दोघं भावांमध्ये जोरदार वाद झाल्याची माहिती मिळतं आहे.
पोलिसांनी केली आरोपीस अटक
या वादात सतीश याने आपला सख्खा मोठा भाऊ संदीप याच्यावर विळ्याने वार केले. यात संदीप यांचा जागीच मृत्यू झाला. वार्‍यासारखी ही बातमी पसरल्याने ग्रामस्थही घटनास्थळी दाखल झाले. दरम्यान, घटनास्थळी विभागीय पोलीस अधिकारी ऋषीकेश रावले, एपीआय गणेश बुवा पी.एस.आय.चंद्रकात पाटील यांनी आपल्या सहकार्‍यांसह भेट देऊन तपास सुरू केला. या दोन्ही भावांमध्ये नेमका कशावरून वाद झाला याची माहिती समजली नाही. या प्रकरणी सतीश पाटील याला ताब्यात घेण्यात आले आहे. सदर प्रकरणी अडावद पोलीस स्टेशनला गुन्हा दाखल करण्यात असून पुढील तपास सुरु आहे.
