चाळीसगाव : विवाहित महिलेस प्रेमाच्या जाळ्यात ओढून शाळेत शारीरिक संबंध प्रस्थापित केले तसेच खोटे बोलून चार लाख रुपये घेतले. याप्रकरणी निरंजन अशोक लद्दे याच्या विरोधात चाळीसगाव शहर पोलिस स्थानकात बलात्काराचा गुन्हा दाखल करण्यात आला आहे.
पीडित महिलेने या प्रकरणी चाळीसगाव पोलीस स्थानकात तक्रार दाखल केली आहे. या तक्रारीत असे म्हटले आहे की, सन 1998 पासून वेळोवेळी हा प्रकार सुरु होता. मला माझ्या पत्नीपासून सुख मिळत नाही, मला माझी पत्नी आवडत नाही, माझे तुझ्यावरच प्रेम आहे, अशी बतावणी विवाहितेला गेल्या सन 1998 पासून निरंजन करत होता. चाळीसगाव येथील एका ब्युटी पॉर्लरमध्ये, त्याच्या घरी, शेतात आणि पिडीतेच्या सासरी नाशिक येथे वेळोवेळी तिच्यासोबत शरीर संबंध प्रस्थापीत केले.
खासगी दवाखान्यात गर्भपात…
यानंतर पीडिता गर्भवती राहिल्यावर चाळीसगाव येथील एका खासगी दवाखान्यात गर्भपात केला. एवढेच नव्हे तर विवाहीतेला आर्थिक अडचण दाखवून तिच्याकडून निरंजन लद्दे याने वेळोवेळी सोन्याची चेन, अंगठी आणि एकुण 4 लाख रुपये देखील घेतले असल्याचे पिडीत महिलेने फिर्यादीत म्हटले आहे. या गुन्ह्याचा पुढील तपास सहायक पोलिस निरीक्षक सचिन कापडणीस करत आहेत.
