जगभरात प्लास्टिक पासून होणारे प्रदूषण ही एक मोठी समस्या निर्माण झाली आहे. प्रत्येक देशात प्लास्टिक कचऱ्याची विल्हेवाट लावणे मोठे डोकेदुखी ठरत आहे. त्यामुळे आपापल्या परीने काही उपाययोजना देखील राबवल्या जात आहेत. कश्मीरमधील अनंतनाग जिल्ह्यातील एका छोट्याशा गावात प्लास्टिक बाबत जनजागृती केली जात आहे. या गावाने प्लास्टिक प्रदूषण टाळण्यासाठी एक अनोखी योजना सुरू केली आहे. गावात प्लास्टिक द्या, सोनं घ्या ही योजना सुरु होताच तिथला सर्व कचरा दिसेनासा झाला आहे.
दक्षिण काश्मीरमधील अनंतनाग जिल्ह्यातील सदिवारा असे या गावाचे नाव आहे. काही काळापूर्वी या गावच्या सरपंचाने प्लास्टिक प्रदूषणाला सामोरे जाण्यासाठी ही अनोखी मोहीम सुरू केली आहे. या गावचे सरपंच फारुख अहमद गणई यांना गाव प्लास्टिक प्रदूषणमुक्त करायचे आहे, व्यवसायाने वकील असलेल्या गनई यांनी यासाठी अनेक प्रयत्न केले आहेत, मात्र यात फारसे यश मिळाले नाही. मात्र, यावेळी त्यांच्या प्रयत्नांना यश मिळत आहे.
15 दिवसांत गाव प्लास्टिकमुक्त
मिळालेल्या माहितीनुसार, सरपंच गनई यांनी ‘प्लास्टिक द्या, सोन घ्या’ नावाची एक मोहीम सुरू केली होती. या मोहिमेअंतर्गत जो कोणी व्यक्ती 20 क्विंटल प्लास्टिक कचरा देईल त्याला पंचायत सोन्याचे नाणे देईल. मोहीम सुरू झाल्यानंतर अवघ्या 15 दिवसांत संपूर्ण गाव प्लास्टिकमुक्त घोषित करण्यात आल्याची परिस्थिती निर्माण झाली आहे. आता या मोहिमेला चांगलीच प्रसिद्धी मिळाली आहे.
इतर गावांनीही सुरु केली मोहीम
हे पाहून जवळपासच्या इतर अनेक पंचायतींनीही ही मोहीम सुरु केल्याचे अनेक अहवालांमध्ये नमूद करण्यात आले आहे. सध्या आपल्या गावात बक्षीसाच्या बदल्यात पॉलिथिन देण्याचा नारा त्यांनी सुरू केला होता, जो यशस्वी झाल्याचे सरपंच सांगतात. मी गावातील नदी-नाले स्वच्छ करण्यासाठी पुढाकार घेतला आणि आता गावातील प्रत्येकाने आम्हाला स्वच्छता मदत करण्यास मदत केली आहे.
