जळगाव: सॉफ्टबॉल असोसिएशन ऑफ इंडिया यांच्या १८ वर्षा आतील व पुरुष गटाच्या सराव शिबिराचे आयोजन कवयित्री बहिणाबाई चौधरी उत्तर महाराष्ट्र विद्यापीठ व महाराष्ट्र राज्य सॉफ्टबॉल असोसीएशन यांचे संयुक्त विद्यमाने आयोजित करण्यात आले आहे. सदर संघाचे सराव शिबीर हे 16 ते 21 एप्रिल दरम्यान आयोजित करण्यात आले आहे.
भारतीय सॉफ्टबॉल संघाचे सराव शिबीराचे उदघाटन कुलगुरू डॉ. विजय माहेश्वरी यांचे हस्ते करण्यात आले. याप्रसंगी क्रीडा संचालक डॉ.दिनेश पाटील, महाराष्ट्र राज्य सॉफ्टबॉल संघटनेचे सचिव डॉ.प्रदीप तळवेलकर, अरुण श्रीखंडे. भारतीय सॉफ्टबॉल संघाचे प्रशिक्षक अभिजित इंगोले हे उपस्थित होते. आंतरराष्ट्रीय खेळाडू सुमेध तळवेलकर ,गौरव चौधरी, धीरज बाविस्कर,प्रतीक देशमुख,अर्जुन राठोड हे सॉफ्टबॉलचे खेळाडू सराव शिबीर यशस्वी होणेसाठी प्रयत्नशील आहेत.
