जळगाव : येथील आकाशवाणी चौकातील लाडवंजारी मंगल कार्यालयाच्या मागे असणाऱ्या गणपती नगरात एका किराणा जनरल दुकानाला सकाळी ६. ३० वाजता आग लागली. आगीत व्यावसायिकाचे मोठे नुकसान झाले आहे.
सकाळी नेहा किराणा जनरल स्टोअर या खिवसरा नामक व्यावसायिकाच्या दुकानाला आग लागली. आग लागल्याचे समजताच आजूबाजूच्या नागरिकांनी महानगरपालिकेच्या अग्निशमन दलाला फोन केला. शॉर्टसर्किटमुळे आग लागली असल्याचे प्रथमदर्शनी दिसून येत आहे. घटनास्थळी फायर फायटर घेऊन वाहन चालक युसुफ पटेल,फायरमन पन्नालाल सोनवणे, नितीन बारी, वाहन चालक नंदकिशोर खडके, फायरमन संतोष पाटील, मोहन भाकरे यांनी आग आटोक्यात आणली. घटनास्थळी नागरिकांनी एकच गर्दी केली होती.
