पाळधी राजमुद्रा वृत्तसेवा । कवयित्री बहिणाबाई चौधरी उत्तर महाराष्ट्र विद्यापीठाजवळ वाघाचा मुक्तसंचार असल्याने नागरिकांमध्ये भीतीचे वातावरण पसरले आहे. दरम्यान विद्यापीठा जवळ असलेल्या परिसरात अचानक वाघाचे दर्शन झाल्याने परिसरातील नागरिकांची धावपळ सुरु झाली. तर या परिसरात वावरणाऱ्या काही जणांनी वाघ दिसताच पळ काढला. जळगावच्या वन विभागातील संबंधित अधिकाऱ्यांनी याचा त्वरित बंदोबस्त करावा अशी मागणी होत आहे.
