राजमुद्रा : नाशिक शहरात मोटरसायकल चोरीच्या घटना वाढत असतानाच पारोळा पोलीस स्टेशनच्या पथकाने मोटरसायकल चोरी करणाऱ्यास ताब्यात घेतल आहे. पारोळा तालुक्यातील तरवाडे येथे राहणारा संजय चौधरी नाशिक शहरातून व इतर परिसरातून दुचाकी चोरून हद्दीतील आडगाव तरवाडे, शिवरे व परिसरात कमी किमतीत विकतो. त्याच्या या चोरीची माहिती पारोळा पोलीस स्टेशनच्या पथकास मिळाल्यानंतर त्यांनी कसून शोध घेतला.
पोलीस उपनिरीक्षक राजू विठ्ठल जाधव, पोलीस कॉन्स्टेबल प्रवीण विश्वास पाटील, संदीप सातपुते,अभिजीत पाटील या पथकाने आदेश मिळाल्यानंतर माहिती घेऊन चोरी करणाऱ्यास पारोळा शहरातील कजगाव रोडवरील आकाश मॉल परिसरात त्याला ताब्यात घेण्यात आले. त्यानंतर आरोपीने नाशिक शहर व हद्दीतून परिसरातून मोटरसायकल चोरी केली असल्याची कबुली दिली तसेच त्याच्याकडून चोरी केलेल्या 19 मोटरसायकली हस्तगत करून जप्त करण्यात आल्या. तसेच या कारवाईमुळे नाशिक शहर व परिसरातील विविध मोटरसायकल चोरीची गुन्हे उघडकीस आले.
सदर कारवाई ही पोलीस अधीक्षक महेश्वर रेड्डी, अप्पर पोलीस अधीक्षक कविता पवार, उपविभागीय पोलिस अधिकारी सुनील नंदवाळकर यांच्या मार्गदर्शनाखाली करण्यात आली.
