राजमुद्रा : विधानसभा निवडणुकीच्या तोंडावर मनसे ॲक्टिव मोडवर आला असून महाराष्ट्र नवनिर्माण सेनेचे अध्यक्ष राज ठाकरे यांनी सभांचा धडाका लावला आहे… त्यांनी आजच्या सभेत ठाकरे गटाचे उद्धव ठाकरे, मुख्यमंत्री एकनाथ शिंदे आणि राष्ट्रवादीचे ज्येष्ठ नेते शरद पवार यांना सणसणीत टोला लगावला आहे..’उद्धव ठाकरे इतिहासातून बाहेर येण्यास तयार नाही, तर एकनाथ शिंदे यांची पुष्पा स्टाईलनं नक्कल केली आणि शरद पवारांचे आजचा देवधर्म हा खोटारडा आहे’, असा घणाघात राज ठाकरेंनी केला आहे..
राज ठाकरेंनी सभेत बोलताना मुख्यमंत्री एकनाथ शिंदेंचीं नकलच केले आहे.. ते म्हणाले, . तिकडं ते पुष्पा वेगळंच चालू आहे. मै आया.., असे म्हणत दाढीखालून पुष्पा स्टाईल हात फिरवत, मी असा महाराष्ट्र कधीच पाहिला नाही, असे खणखणीत टोला राज ठाकरेंनी लगावला. त्यानंतर राष्ट्रवादीचे ज्येष्ठ नेते शरद पवार यांच्यावर बोलताना त्यांच्या नास्तिकपणावर त्यांनी जोरदार हल्ला चढवला आहे.शरद पवार यांनी आजपर्यंत देवधर्म पाळले नाहीत. मी म्हटल्यांवर पवारसाहेब प्रत्येक मंदिरात जायला लागले. पण त्यांचे हात जोडणं देखील खोटं आहे. ते तुम्हाला दाखवण्यासाठी आहे. सावध राहा. खोटनाटं वाटेल, ते करतील, जातीमध्ये अडकवतील, पैशाचा महापूर आणतील. पण सावध राहा’, असा इशारा राज ठाकरे यांनी दिला.
आगामी विधानसभा निवडणुकीनंतर मनसेची सत्ता आल्यावर महाराष्ट्र दिल्लीसमोर झुकणार नाही, तुटणार नाही. हे महाराष्ट्राला दाखवून देतो. महाराष्ट्राचा अभिमान कसा जपला जातो, हे दाखवून देईल’, असे राज ठाकरेंनी सांगितले.दरम्यान विधानसभा निवडणुकीला माहिती पैसे वाटतील, पैशाचा पूर येईल नुसता. ते पैसे घ्या, नक्की घ्या. ते तुमचेच आहे. हे पैसे घेऊन महाराष्ट्र नवनिर्माण सेनेच्या उमेदवाराला विजय करा. असा सल्ला त्यांनी दिला आहे..
