राजमुद्रा : विधानसभा निवडणुकीच्या पार्श्वभूमीवर धुळे शहर विधानसभा मतदारसंघात राजकीय घडामोडींना चांगलाच वेग आला आहे.. या पार्श्वभूमीवर आज धुळ्याचे माजी आमदार अनिल गोटे ह्यांनी मातोश्री येथे शिवसेना (उद्धव बाळासाहेब ठाकरे) पक्षात प्रवेश केला आहे. यावेळी पक्षप्रमुख उद्धवसाहेब ठाकरे ह्यांनी त्यांचे हातात भगवा देऊन पक्षात स्वागत केले. ह्यावेळी शिवसेना नेते खासदार संजय राऊत, शिवसेना नेते विनायक राऊत, उपनेते अशोक धात्रक आणि इतर पदाधिकारी-शिवसैनिक उपस्थित होते.
आगामी विधानसभा निवडणुकीत ठाकरेंची मशाल घेऊन ते धुळे शहर विधानसभा मतदारसंघात उतरणार असल्याचे स्पष्ट झाला आहे.. त्यांना या पक्षप्रवेशावेळी एबी फॉर्म दिला असून त्यांची उमेदवारी निश्चित झाली असल्याचं दिसून येत आहे..
दरम्यान दुसरीकडे धुळे शहर मतदार संघात भारतीय जनता पक्षाने अनुप अग्रवाल यांना उमेदवारी दिली आहे.. त्यामुळे धुळ्यात बाजी कोण मारणार हे पाहणे महत्त्वाचे ठरणार आहे..
