राजमुद्रा : विधानसभा निवडणुकीची रणधुमाळी सुरू झाली असताना राजकीय पक्षातील अधिकृत उमेदवारांनी प्रचाराचा धडाका लावला आहे.. या पार्श्वभूमीवरच आता रावेर यावल मतदार संघात परिवर्तन महाशक्ती आघाडीचे अधिकृत उमेदवार अनिल छबिलदास चौधरी यांनी आज श्री साईबाबांच्या चरणी श्रीफळ अर्पण करून निवडणूक प्रचाराची सुरुवात केली आहे.. यावेळी त्यांनी ही फक्त माझी नाही, तर तुमचीच लढाई आहे, तुमच्या विश्वासाची, तुमच्या आशेची आणि आपल्या रावेर-यावलच्या उज्ज्वल भविष्याची असे सांगितले..
तसेच माझे पाऊल आज जरी पुढे पडत असले, तरी प्रत्येक पावलात तुमची साथ हवी आहे, तुमचा आशीर्वाद हवे आहेत. तुम्ही दिलेला विश्वास, तुमची साथ आणि तुमची माया हीच माझ्यासाठी सर्वकाही आहे. तुम्ही माझी ताकद आहात, आणि तुमच्या पाठिंब्याच्या बळावरच मी या संघर्षात उतरतोय..हे नाते फक्त उमेदवार आणि मतदार यांचं नाही, तर कुटुंबाच्या नात्याचं आहे. तुम्हाला हक्काची माणसं हवीत, तुमच्या सुख-दुःखात सोबत राहणारी हवीत, तुमच्या समस्या ऐकून त्यावर काम करणारी हवीत, आणि मी नेहमी तुमच्याच सोबत राहणार आहे असा ठाम विश्वास त्यांनी नागरिकांना दिला..
तुमचा प्रत्येक आशीर्वाद, प्रत्येक पाठिंबा मला या लढाईत विजयी करण्यास प्रेरित करेल. चला, आपल्या मतदारसंघाचा विकास, प्रगती, आणि उज्वल भविष्य एकत्र घडवूया असे आव्हान त्यांनी केले.राज्यात विधानसभा निवडणुकीचे बिगुल वाजले आहेत. त्यानुसार 20 नोव्हेंबरला मतदान कर 23 नोव्हेंबरला मतमोजणी होणार आहे
