जळगाव राजमुद्रा वृत्तसेवा | राज्यात शिवसेनेची सत्ता आल्यावर प्रथमच नगर विकास मंत्री ना. एकनाथ शिंदे जळगाव जिल्ह्याच्या दौऱ्यावर येत आहेत. ना. शिंदे हे शनिवारी जळगाव जिल्ह्याच्या दौऱ्यावर येत असल्याने त्यांच्या स्वागतासाठी शिवसेना सज्ज झाली आहे.
पाचोरा भडगाव तालुक्यातील विकास कामांचे उद्घाटन आणि भूमिपूजन कार्यक्रमांना ते उपस्थित राहणार आहेत. त्यानंतर जळगाव येथे माजी आ. चंद्रकांत सोनवणे यांच्या घरी सांत्वन भेट देणार असल्याची माहिती शिवसेनेचे आमदार किशोर पाटील यांनी दिली.
त्यांचा दौरा कार्यक्रम पुढीलप्रमाणे
१० जुलै सकाळी ११:०० वाजता मुंबई विमानतळ येथून खासगी विमानाने जळगावकडे प्रयाण. दुपारी १२:०० वाजता जळगावला आगमन. १२:१५ माजी आमदार चंद्रकांत सोनवणे यांच्या निवासस्थानी सांत्वन भेट. दुपारी १२:३० वाजता मनपा येथे भेट व आढावा. दुपारी ०१:०० वाजता जळगाव येथे शिरसोली, वावडदा, जामनेर, नांदुरा मार्गे पाचोरा शहरात आमदार किशोर पाटील यांच्या घरी आगमन व राखीव. दुपारी ०१:४५ पाचोरा येथून भडगाव शहराकडे प्रयाण. दुपारी ०२:०० वाजता भडगाव नगरपरिषदेने नवीन बांधलेल्या कै. शेठ चोरडिया अभ्यासिकेचा लोकार्पण सोहळा. दुपारी ०२:१५ वाजता नगरपरिषदेने नवीन बांधलेल्या घनकचरा व्यवस्थापन व प्रक्रिया प्रकल्प लोकार्पण सोहळा. दुपारी ०३:०० वाजता भडगाव शहरातील रोड येथील साईबाबा मंदिरात सदिच्छा भेट. दुपारी ०३:१० वाजता भडगाव येथून पाचोरा शहराकडे प्रयाण. दुपारी ०३:२० वाजता पाचोरा शहरातील महात्मा गांधी सार्वजनिक वाचनालय नवीन इमारतीचा लोकार्पण सोहळा. दुपारी ०३:३० वाजता पाचोरा शहरातील कृष्णापुरी येथील हिवरा नदीवरील पुलाचा भूमिपूजन सोहळा. ०३:४० पाचोरा शहरातील पांचाळेश्वर मंदिराजवळील हिवरा नदीवरील पुलाचा भूमिपूजन सोहळा. दुपारी ०३:५० वाजता पाचोरा शहरातील स्मशानभूमी जवळील नदीवरील पुलाचा भूमिपूजन सोहळा. दुपारी ०४:०० वाजता पाचोरा शहरातील माजी मंत्री स्व. के एम बापू पाटील व्यापारी संकुल भाजी मंडी लोकार्पण सोहळा ०४:४५ वाजता पाचोरा येथून जळगावकडे प्रयाण सायंकाळी ०५:३० वाजता खाजगी विमानाने मुंबईकडे प्रयाण.
