जळगाव राजमुद्रा वृत्तसेवा | चोपडा तालुक्यातील वर्डी येथील विश्राम पूर जवळच्या नवरा – नवरी धरणाच्या वरच्या बाजूला आयत्या बारेला च्या घराजवळ झाला हेलिकॉप्टर चा अपघात झाल्याने परिसरात प्रचंड खळबळ उडाली आहे अडावद पोलीस ठाण्यातील हद्दीत अपघात झाला आहे यामध्ये पायलट नरुद अनिम (30) जागीच ठार झाला असून एक शिकाऊ महिला पायलट जखमी झाली आहे. वैद्यकीय उपचारासाठी महिला पायलट अनशिका गुजर वय (21) ला उपचारासाठी रुग्णालयात दाखल करण्यात आले आहे अपघात झालेले विमान हे शिरपूर येथील ट्रेनिग सेंटर येथील असल्याचे समजते आहे.
तहसीलदार रावसाहेब गावीत , सहाय्यक साहाय्यक निरीक्षक दांडगे घटनास्थळी मदत करीत आहे.
जिल्ह्यातील चोपडा तालुक्यातील वर्डी गावा जवळ हेलिकॉप्टर कोसळण्याची दुर्दैवी घटना घडल्याने संपूर्ण जिल्ह्यात खळबळ उडाली आहे , या घटनेनंतर मोठ्या प्रमाणात नागरिकांची गर्दी जमा झाली असून मदत कार्याला सुरुवात झाली आहे. चोपडा पोलीस ठाण्याचे अधिकारी व कर्मचारी घटनास्थळी तळ ठोकून असून पुढील कार्यवाही करण्यात येत आहे.
दरम्यान, चोपडा तालुक्यातील वर्डी गावाच्या जगलात मोठा आवाज झाल्याने नागरिकांनी जंगल परिसरात धाव घेतली, गावकरी घटनास्थळी दाखल झाले असता चक्क हेलिकॉप्टर अपघात ग्रस्त झालेंल्या अवस्थे मध्ये दिसून आले यामध्ये पायलट जागीच ठार झाला असून एक महिला यामध्ये गंभीर जखमी झाली आहे.
