(भडगांव राजमुद्रा वृत्तसेवा) देश रक्षणात शहीद झालेले वीर जवान निलेश रामभाऊ सोनवणे यांच्या स्मृती सर्वांसाठी सतत प्रेरणादयी रहाव्यात यासाठी त्यांच्या स्मरणार्थ टोणगांव-भडगांव चौकास शहीद वीर जवान निलेश रामभाऊ सोनवणे चौक असे नाव देण्यात यावे यासाठी नगरसेविका योजना पाटील यांनी प्रांत अधिकारी, उपविभगीय कार्यालय पाचोरा, तहसीलदार, तहसील कार्यालय, भडगांव, मुख्याधिकारी नगरपरिषद भडगांव, पोलिस निरीक्षक, पोलिस स्टेशन, भडगांव यांना निवेदन देण्यात आले.
तसेच भडगांव शहर व तालुक्यातील शहीद जवानांचे देशसेवेप्रती प्रेरणादायी स्मारक व्हावे अशीही मागणी त्यांनी केली आहे. याप्रसंगी संजीदा खान उपस्थित होत्या .सदर चौकास शहीद जवान निलेश रामभाऊ सोनवणे नाव दिल्याने त्यांना खरी श्रद्धांजली ठरेल व त्यांचे भारत मातेच्या रक्षणासाठीचे बलिदान सर्वांसाठी सैदव प्रेरणा देत राहील, असे निवेदनात नमूद केले आहे.
