जळगाव राजमुद्रा वृत्तसेवा | दुचाकीवर बसून एकांच्या हातातील मोबाईल देवून पसार होणाऱ्या संशयित आरोपींना स्थानिक गुन्हे शाखेच्या पथकांने गजाआड केले आहे. या प्रकरणी पोलीस सुत्रांनी दिलेली माहिती अशी की, दिनांक 21 21 जुन रोजी शहरातील रोझ गॉर्डन नुतन मराठा कॉलेज परिसरात कुणीतरी पांढऱ्या स्कुटीवर दोन अज्ञात इसमांनपैकी मागील बसलेल्या इसमाने फियार्दी दिपक वाल्मीक मोरे यांच्या हातातील मोबाईल बळजबरीने घेऊन पोबारा केला होता. या प्रकरणी शहर पोलीस ठाण्यात गुन्हा दाखल करण्यात आला. त्या अनुसंगाने स्थानिक गुन्हे शाखेचे पो. नि, किरण कुमार भकाले यांच्या मार्गदर्शना खालील पोलीस उपनिरिक्षक रविंद्र गिरासे, अशोक महाजन, विजय पाटील, नरेंद्र वारुडे, प्रदिप पाटील, जयवंत चौधरी, संदीप साळवे, सुनिल दामोदरे, दादाभाऊ पाटील, किरण धनगर, प्रमोद लाडवंजारी, नंदलाल पाटील, भगवान पाटील, सचिन महाजन, मुरलिधर बारी, या पथकाने शोध सुरु केला, दरम्यान पोलीसांना मिळालेल्या माहिती नुसार अक्षय उर्फ मॉर्डन मुकेश अटवाल आणि त्याच्यासोबत एक अल्पवयीन असे दोन्ही जळगाव शहरात जबरी, चोरी करत असल्याचे आढळून आले आहेत. तसेच पथकांने गुन्हा घडलेल्या परिसरातील सीसीटिव्ही चे निरीक्षण केले असता, मानेवर टॅटू गोंदलेला इसमाने चोरी केली आहे. हे लक्षात आल्या नंतर मुकेश अटवाल रा. चौगुले प्लॉट याला ताब्यात घेतले. त्यांने एक अल्पवयीन मुलासोबत गुन्हा केल्याचे सांगितले आहे. तसेच गुन्हयातील चोरी केलेला मोबाईल त्याने परत केला. संशयीत आरोपीला शहर पोलीसांच्या ताब्यात देण्यात आले.
