जळगाव राजमुद्रा वृत्तसेवा | सध्या राज्यात ईडी प्रकरण गाजत असतांनाच खान्देशचे प्रशांत दिलीप गाढे यांनी माजी महसूल मंत्री तथा राष्ट्रवादी काँग्रेस पक्षाचे नेते एकनाथराव खडसे यांच्यावर ईडी संदर्भात एक गीत सादर केले आहे. ‘तुमच्या बापाला काय ईडीचा धाक तुम्ही दावताय’ हे गाणं यु ट्यूबवर खान्देशसह राज्यभरात चांगला धुमाकुळ घालत आहे.
सध्याच्या सुरु असलेल्या घडामोडींवर या गाण्याच्या माध्यमातून विवेचन करण्यात आले आहे. एकनाथराव खडसे यांचे राजकीय तथा सहकार क्षेत्रात असलेले वर्चस्व, त्यांनी केलेले कार्य, याचा लेखाजोखा मांडण्याचा प्रयत्न या गाण्याच्या माध्यमातून करण्यात आला आहे. खडसे यांचा एकंदरीत आतापर्यंतचा राजकीय प्रवास मांडण्याचा प्रयत्न या गीताच्या माध्यमातून लेखकाने केला आहे. प्रशांत गाढे यांनी सादर केलेले हे गीत सध्या जिल्ह्यासह राज्यात जोरदार गाजत आहे.
खाली दिलेल्या लिंक वर जाऊन आपण हे गीत ऐकू शकतात..
