मुंबई राजमुद्रा वृत्तसेवा : मी कोणतंही चुकीचं काम केलं नाही. त्यामुळे न्यायालयकडून आम्हाला न्याय मिळेलच. भाजप नेते किरीट सोमय्या हे निव्वळ बदनामी करण्याचं काम करत आहेत. मात्र, मात्र न्यायालयत आमचं निर्दोषत्व सिद्ध होईल, असा विश्वास परिवहन मंत्री अनिल परब यांनी व्यक्त केला.
अनिल परब यांनी माध्यमांशी संवाद साधताना हा विश्वास व्यक्त केला. गेले काही महिने माझ्यावर किरिट सोम्मेया कुठलेही पुरावे नसताना आरोप करत आहेत. याबद्दल मी 100 कोटींचा दावा दाखल केला आहे. यात माफी मागण्याचीही मागणी केली आहे. त्यासंदर्भातील पुरावे दिले आहेत. त्यामुळे मला नक्कीच न्याय मिळेल. माझी जी बदनामी झाली ती पुसून टाकायला या याचिकेने मदत होईल. मी कोणतीही गोष्ट चुकीची केली नाही. म्हणून मी कोर्टात दाद मागितली आहे, असं परब म्हणाले.
मी न्यायाधीशाचं काम करत नाही. सोमय्याच न्यायाधीशाचं काम करत आहेत. तेच आरोप करतात आणि निर्णय देतात. मी योग्य प्लॅटफॉर्मवर गेलो आहे. मी न्यायालयकडे दाद मागितली आहे. माझ्यावर झालेला हा अन्याय आहे. त्यासाठी मी न्यायालयत आलो आहे. न्यायालयात सर्व गोष्टी स्पष्ट होतीलच. सोमय्यांनी न्यायालयत येऊन उत्तर द्यावं, असं त्यांनी सांगितलं.
