जळगाव राजमृद्रा दर्पण । राष्ट्रीय महामार्गावर रेल्वे उड्डाण पुलाजवळ अज्ञात वाहनाने दिलेल्या धडकेत सावदा येथील दोन मोटारसायकलस्वारांचा जागीच मृत्यू झाल्याची घटना आज सकाळी घडली आहे. याबाबत वृत्त असे की, राजेंद्र भादू डोळे (वय 42 पाटीलपुरा सावदा, ता. रावेर) व शेख महेमूद शेख रज्जाक (वय 53 रा सावदा) हे दोघे जण मोटारसायकलवरून जळगावकडे कामानिमित्त येत होते. दरम्यान, रेल्वे उड्डाण पुलाजवळ अज्ञात वाहनाने दिलेल्या जोरदार धडकेत हे दोघे जण जागीच ठार झाले.
अपघाताची माहिती मिळताच नशिराबाद पोलिसांनी घटनास्थळी धाव घेतली असून पंचनामा केला आहे. शेवटचे वृत्त हाती आले तेव्हा या संदर्भात नशिराबाद पोलीस स्थानकात गुन्हा दाखल करण्याची प्रक्रिया सुरू आहे.
