जळगाव राजमुद्रा दर्पण । महामार्गावर दुपारी बर्निंग कारचा थरार घडल्यानंतर रात्रीच्या सुमारास ट्रकला भीषण आग लागली. यामुळे महामार्गावर थरार निर्माण झाला होता. ही घटना महामार्गावरील शिवकॉलनी स्टॉपजवळ घडली. धुळे येथून बारदान घेवून जळगावात आलेल्या द्रकला टायर फुटल्याने भीषण आग लागल्याची घटना रात्रीच्या सुमारास शिवकॉलनी रेल्वे उड्डाण पुलावर घडली. महापालिकेच्या दोन अग्निशमन बंबाच्या मदतीने आग आटोक्यात आणण्यात आली.
यावेळी रस्त्यावर येणाऱ्या जाणाऱ्या नागरीकांनी देखील आपापली वाहने थांबवून आग आटोक्यात आणण्यासाठी ट्रक मधील बारदात काढण्याचा प्रयत्न केला. परंतू काही वेळातच ट्रकने देखील पेट घेतला. महापलिकेच्या अग्निशमन विभागाचे दोन बंब घटनास्थळी दाखल झाले व आग आटोक्यात आणली. दुसरीकड़े राष्ट्रीय महामार्गावरील दोन्ही बाजूने जाणारे वाहन काही अंतरावर थांबविले होते. त्यामुळे दोन्ही बाजूची वाहतूक ठप्प झाली होती .
