मुंबई राजमुद्रा दर्पण। दक्षिण मुंबईतील गरवारे क्लबमध्ये महाराष्ट्र सरकारविषयी चंद्रकांत पाटील म्हणाले, शरद पवारांना ज्या पद्धतीने सरकार चालवायचे आहे, त्या पद्धतीने सरकार चालत नाही. त्यामुळे फेब्रुवारीत होणाऱ्या स्थानिक स्वराज्य संस्थांच्या निवडणुकीपर्यंत त्यांनी आपला राग कंट्रोल करुन ठेवला आहे. ते म्हणाले की पती-पत्नीमध्ये भांडण झाले की ते दोघेही एका टप्प्यापर्यंत सहन करतात. त्यानंतर त्यांचा घटस्फोट होऊन ते वेगळे होतात. महाविकास आघाडी सरकारही असेच काही करण्याची शक्यता आहे. महाविकास आघाडी सरकार पाडण्याचा पुढाकार राष्ट्रवादीचे अध्यक्ष शरद पवार घेतील. राज्यात पुन्हा भाजपचे सरकार येईपर्यंत देवेंद्र फडणवीस हेच मुख्यमंत्रीपदाचा चेहरा असतील. सत्तेत खळबळ उडवणारे अनेक खुलासे भाजपचे चंद्रकांत पाटील यांनी केले आहे.
महाराष्ट्रात मध्यावधी निवडणुका होतील तेव्हा भाजपला 122 ते 130 जागा मिळतील. सहसा, सरकार स्थापन करण्यासाठी तेवढ्याच आमदारांची गरज असते, कारण 2014 मध्ये जेव्हा सरकार स्थापन झाले तेव्हा आमच्याकडे 122 आमदार होते.
सरकारमध्ये राहूनच स्थानिक स्वराज्य संस्थांवर विजय मिळवता येईल, असे सत्ताधाऱ्यांना वाटते. पाटील म्हणाले की, मे महिन्यात मध्यावधी निवडणुका होत असताना भाजपनेही डिसेंबर-मे या सहा महिन्यांसाठी रस्त्यावर उतरून महाविकास आघाडी सरकारच्या विरोधात जोरदार लढा देण्याचा निर्णय घेतला आहे.
