मुंबई राजमुद्रा दर्पण। शिवसेनेचे खासदार संजय राऊत राष्ट्रवादीचे शरद पवार यांच्या भेटीसाठी वाय. बी. चव्हाण सेंटरमध्ये आले आहेत. या दोघांमध्ये काय चर्चा सुरु आहे . शरद पवारांची भेट शिवसेना खासदार संजय राऊत यांनी का घेतली त्यांच्यात काय चर्चा ते समजू शकलेले नाही.
यावेळी खासदार सुप्रिया सुळेही उपस्थित आहेत. या भेटीत बेस्ट कर्मचाऱ्यांच्या संपावर चर्चा होण्याची शक्यता वर्तवली जात आहे. विलीनीकरणाच्या मुद्द्यावर काय भूमिका घ्यायची या बाबत या बैठकीत चर्चा होण्याची शक्यता आहे. दरम्यान, ही बैठक किती वेळ चालेल याची काहीच माहिती देण्यात आलेली नाही. त्यामुळे या बैठकीकडे सर्वांचं लक्ष लागलं आहे. मुख्यमंत्री ठाकरे यांच्या मणक्यावर यशस्वी शस्त्रक्रिया झाली आहे. त्या संदर्भातही पवार राऊतांकडून माहिती घेण्याची शक्यता वर्तवली जात आहे.
