जळगांव राजमुद्रा दर्पण | जिल्ह्यातील मुक्ताईनगरजवळील राष्ट्रीय महामार्गावर पहाटे ३ वाजेच्या सुमारास भीषण अपघात घडला. अपघातात 5 जण जागीच ठार झाले आहेत.घोडसगाव परिसरात ही संपूर्ण घटना घडली आहे. अपघातासंदर्भातील माहितीला पोलीस सूत्रांनी दुजोरा देण्याचे काम केले आहे.
पोलिसांनी दिलेल्या माहितीनुसार दुधाचा टँकर रस्त्यावर बंद पडलेल्या अवस्थेत होता. त्या बंद पडलेल्या टँकरमधून दुसऱ्या टँकरमध्ये दूध टाकण्याचे काम क्रेनद्वारे सुरू होते. अशातच दुधाचा टँकर आणि क्रेनला भरधाव वेगाने येणाऱ्या ट्रकने धडक दिली. त्यात 5 जण ठार झाले असून, मृतांची नावे अद्याप कळू शकलेली नाही. मृतांमध्ये काही मजुरांचा समावेश असल्याचे समजते. घटनास्थळी मुक्ताईनगरचे पोलीस दाखल झाले असून, पंचनामा करण्याचे काम सुरू होते.
