जळगाव राजमुद्रा दर्पण | शहरातील मल्हार हेल्प केअरचे आनंद मल्हारा यांची कन्या तन्वी मल्हारा हि अभिनयाच्या दुनियेत पाऊल ठेवून सर्वांचे लक्ष वेधून घेतले आहे. लवकरच सुरू होणाऱ्या ‘मुस्कुराने की वजह तुम हो’ या मालिकेत तन्वीची मुख्य भूमिका आहे. कलाकार कुणाल जयसिंग साेबत या मालिकेत ती दिसणार आहे.
मॉडेलिंगपासून तन्वीच्या करिअरला सुरवात झली. तिची टीव्हीवरील ‘मुस्कुराने की वजह तुम हो’ या मालिकेतील प्रमुख भूमिकेसाठी निवड झाली. तन्वीची ही पहिली मालिका असून इतर कथांपेक्षा वेगळी कथा या मालिकेत प्रेक्षकांना बघायला मिळणार आहे. अनोखी प्रेमकथा त्यात दाखवण्यात येणार आहे. तन्वी या मालिकेत एका आशावादी मुलीची भूमिका साकारणार आहे. ती एका एनजीओसाठी काम करत असते.अविवाहित असताना गर्भवती राहिल्यानंतर एकटीच बाळाला वाढवण्याचा निर्णय घेते. समाजातील सर्व घटकांना ती जिद्दीने तोंड देते. ती अशा व्यक्तीच्या शोधात असते जो तिला आहे त्या अव्यवस्थेत सांभाळण्यास तयार होईल. या वेळी तिला कबीर अर्थात कुणाल जयसिंग भेटतो. जो एक व्यावसायिक दाखवलेला आहे. तिच्या खरेपणावर प्रभावित होऊन तिच्याशी लग्न करण्यास तयार होतो. वेगळ्या पध्दतीने प्रेमाचे रून या मालिकेच्या माध्यमातून दाखवण्यात येणार आहे.
