पुणे राजमुद्रा दर्पण | पुण्यात मनसे अध्यक्ष राज ठाकरे यांची आज सभा होणार असून पुण्यात गणेश कला क्रीडा मंडळात ही सभा आयोजित केली आहे. मुंबई, ठाणे, औरंगाबादनंतर आता राज ठाकरे पुण्यात सभा घेत आहेत. पुण्यात मनसे कार्यकर्त्यांमध्ये राज ठाकरेंच्या सभेची कमालीची उत्सुकता आहे. पुण्यात मनसे कार्यकर्त्यांची 10 वाजताच्या सभेसाठी गर्दी व्हायला सुरुवात झाली आहे. आता या सभेत राज ठाकरे नेमक काय बोलणार याकडे सर्वांचे लक्ष लागले आहे
दरम्यान, या सभेच्या ठिकाणी मोठा पोलिस बंदोबस्त ठेवण्यात आलेला आहे. राज ठाकरे यांच्या सभेच्या पार्श्वभूमीवर सभास्थळी मोठा पोलीस बंदोबस्त लावण्यात आला आहे. सुरक्षितता त्याचप्रमाणे नागरिकांना त्रास होऊ नये या दृष्टिकोनातून खबरदारी घेण्यात आली आहे.
पुण्यातल्या या सभेत राज ठाकरे आज कुणावर निशाणा साधणार? याची उत्सुकता सर्वांनाच लागली आहे. राज ठाकरेंचा अयोध्या दौरा स्थगित झाला. राज आज या दौ-याविषयी तसेच राज यांना विरोध करणा-या भाजप खासदार बृजभूषण सिंह यांच्याविषयी काय भाष्य करणार याची उत्सुकता आहे.
राष्ट्रवादीचे नेते उपमुख्ममंत्री अजित पवार आणि राष्ट्रवादीचे अध्यक्ष शरद पवार यांच्याविषयीही राज ठाकरे यांविषयी राज ठाकरे या सभेत बोलतील अशी शक्यता वर्तवण्यात येत आहे. राज्यातल्या महाविकास आघाडी सरकारला पहिल्या तीनही सभांमध्ये मोठे शाब्दिक बाण सोडले होते. राज ठाकरे या सभेतही मुख्यमंत्र्यांसह महाविकास आघाडी सरकारवर भाष्य करतील अशी शक्यता आहे.
