पुणे : राष्ट्रवादी काँग्रेसच्या नेत्या बारामती लोकसभा मतदार संघातील खासदार सुप्रिया सुळे मटण खाऊन मंदिरात गेल्याचा गंभीर आरोप शिवसेना शिंदे गटाचे माजी मंत्री विजय शिवतारे यांनी केला. सुप्रिया सुळे या दर आठवड्याच्या शनिवारी आणि रविवारी त्यांच्या मतदारसंघाचा दौरा करतात. शनिवारी झालेल्या त्यांच्या दौऱ्यावर सुप्रिया सुळे यांनी मटण खाऊन महादेवाचे दर्शन घेतले असा आरोप शिवतारे यांनी केला आहे.
विजय शिवतारे यांनी सुप्रिया सुळे यांच्याबद्दलचा एक व्हिडीओ शेअर करत टीका केली आहे. शिवातरे यांनी सुप्रिया सुळे यांचे देवदर्शन घेतानाच फोटो देखील शेअर केले आहे. शिवतारे यांनी फेसबुक पोस्टमध्ये म्हटले आहे की, सुप्रिया सुळे यांनी पुण्यातील एका हॉटेलमध्ये मटण खाल्लं आणि नंतर देवदर्शन केलं. सुप्रिया सुळे यांनी महादेव आणि सासवडला सोपनकाका मंदिरात जाऊन दर्शन घेतलं, असं शिवतारे यांनी आपल्या पोस्टमध्ये म्हटलं आहे.
शिवतारे यांनी केली खोचक टीका
शिवतारे यांनी फोटो आणि व्हिडीओ शेअर करताना त्यावर कमेंट केली आहे. आधी मटण खाल्लं. मग भैरवनाथ मंदिरात जाऊन दर्शन घेतलं. मग महादेव मंदिरात गेल्या. मग दिवे घाट ओलांडून सासवडला गेल्या. सासवडला संत सोपानकाकांचे दर्शन घेतले. येणेवरे ज्ञान देवो सुखिया जाहला, अशी खोचक टीका शिवतारे यांनी केली आहे. विजय शिवतारे यांनी हा व्हिडिओ शेअर केल्याने राजकीय वर्तुळात एकच चर्चा सुरू झाली आहे. शिवतारे यांच्या फेसबुक पोस्टमुळे मटण खाऊन दर्शन घेतल्याने काहीजण सुप्रिया सुळे यांच्यावर टीका करत आहेत. त्यामुळे हा राजकीय वाद तापण्याची शक्यता आहे.
सुप्रिया सुळेंचं स्पष्टीकरण
या प्रकरावरुन सुप्रिया सुळे यांनी प्रतिक्रिया दिली आहे. माझा अभ्यास या विषयावर खूपच कमी आहे. तुम्ही जर पाण्यावर, बेरोजगारीवर तसेच आजच्या अर्थव्यवस्थेवर मला प्रश्न विचारल तर मी त्यावर सांगेल. पण माझा यावर अभ्यास खूपच कमी आहे, असे सुप्रिया सुळे म्हणाल्या. सगळ्या विरोधी पक्षाच्या भावना एका पत्राद्वारे पंतप्रधान मोदी यांच्या पर्यंत पोहचवल्या असतील तर अर्थात या देशात काय परिस्थितीती आहे यावर चर्चा व्हायला पाहिजे.
