रावेर (प्रतिनिधी): रावेर वनक्षेत्रपाल अजय बावणे यांनी आदिवासी पट्यात पुन्हा धडक कारवाई केली आहे. यामध्ये तब्बल एक लाख रुपयाचा डींक व वाहतूक करणारी गाडी वनविभागाने जप्त केली आहे. यामुळे डींक तस्करांमध्ये एकच खळबळ उडाली आहे.
याबाबत वृत्त असे की जिन्सी गावा जवळ संशयित चार चाकी वाहन टाटा सुमो क्रमांक एम एच 21 बी 0851 चौकशी कामे थांबविले असता त्यात गौण वनउपज (सलई डिंक) वनविभागाला मिळून आला. सदर वाहन चालकाला कडे वाहतूक परवाना विचारले असता त्याच्या कडे परवाना क्रमांक 0851 दि.04 दाखविला. यात सलई डिंक10:15 किलो व धावडा डिंक 15 किलो नमूदकेला होता. परंतु प्रत्यक्षात वजन काट्यावर सदर डिंकाचे मोजमाप केले असता सलई डिंक 9 क्विंटल 99 किलो 170 ग्राम भरला तसेच धावडा डिंक गाडीत आढळून आला नाही.
यांच्या पथकाने केली कारवाई
वाहतूक परवाना व्यतिरिक्त उर्वरित डींक विनापरवाना वाहतूक होत असल्याचे निदर्शनास आल्याने वाहन अंदाजे किंमत 1,00,000 सलई डिंक 9 क्विंटल 99 किलो170 ग्रॅम किंमत 1,09,908 /-रु. एकूण मुद्दे माल 2,09,908 चौकशीसाठी ताब्यात घेण्यात आले भारतीय वन अधिनियम 1927 चे कलम 41(ब)42 व महाराष्ट्र नियमावली चे नियम 31 82 अन्वय प्रथम रिपोर्ट नोंदवून जप्त केला. सदर कार्यवाही वनपरिक्षेत्र अधिकारी रावेर अजय बावणे वनपाल राजेंद्र सरदार ,अरुणा ढेपले. वनरक्षक रमेश भुतेकर अधिसंख्य वनमजूर उत्तम पवार, राज तडवी, रुस्तम तडवी, बालू राठोड. वनवाहन चालक -विनोद पाटील यांनी संयुक्त रित्या कार्यवाही केली. पुढील तपास वनपाल अहिवाडी करीत आहे.
