जळगाव : एका 16 अल्पवयीन वर्षीय मुलीवर अत्याचाराची घटना उघडकीस आली आहे. यात या मुलीने गर्भवती होऊन बालकास जन्म दिला आहे. रावेर तालुक्यातील एका गावात ही घटना घडली असून, तरुणीवर जिल्हा शासकीय वैद्यकीय महाविद्यालयात मुलाला उपचार सुरू आहेत. याप्रकरणी पोलिसांनी एका जणावर गुन्हा दाखल केला आहे.
याबाबत सविस्तर वृत्त असे की, रावेर तालुक्यातील एका गावात अंदाजे 16 वर्षीय अल्पवयीन मुलगी ही आपल्या परिवारासह वास्तव्याला आहे. तिचे आईवडील हे शेतामध्ये उसतोडणीचे काम करून आपला उदरनिर्वाह करतात. साधारण सात महिन्यांपुर्वी अल्पवयीन मुलगी ही आपल्या परिवारासह बारामती तालुक्यातील फलटण जवळ उस तोडणीला गेली. तिथे झोपडी करून वास्तव्याला होते.
पोलीस ठाण्यात गुन्हा दाखल
पिडीत मुलगी ही घरी झोपडीत एकटी असतांना आरज्या (पुर्ण नाव माहिती नाही) याने अल्पवयीन मुलीवर वारंवार अत्याचार केला. मुलीने घरात घाबरून कुणाला काहीही सांगितले नाही. त्यानंतर कुटुंबिय पुन्हा मुळ गावी रावेर येथे परत आले. त्यानंतर मुलगी गर्भवती राहिल्याचे समोर आले. तिला जिल्हा शासकीय वैद्यकीय महाविद्यालयात उपचारार्थ दाखल करण्यात आले. पिडीत मुलीने मुलाला जन्म दिला आहे. याप्रकरणी पिडीत मुलीच्या आईने दिलेल्या फिर्यादीवरून पोलीस ठाण्यात गुन्हा दाखल करण्यात आला आहे.
