भुसावळ : शहरात गुटखा विक्रीवर पोलिसांनी मोठी कारवाई केली आहे. पोलिसांनी दोन दुकाने तसेच घरातून 2 लाखांचा गुटखा जप्त केलाय, या प्रकरणी शहर पोलिस ठाण्यात गुन्हा दाखल करण्यात आला आहे.
शहरातील वसंत टॉकीजजवळ असलेल्या गायत्री पान सेंटरवर गुटखा विक्री होत असल्याची गुप्त माहिती एलसीबी पोलिस निरीक्षक किसन नजन पाटील यांना मिळाल्याने त्यांनी एलसीबी कर्मचाऱ्यांचे पथक मिळालेल्या माहितीची खात्री करण्यासाठी पाठविले असता गायत्री पान सेंटरवर गुटखा, रजनीगंधा आदी पॅकेट मिळाले. जळगाव रोडवरील दुकानात सुध्दा पोलिसांना गुटखा मिळाला. पोलिसांनी सर्व गुटखा जप्त करून शहर पोलिस ठाण्यात आणला. सुमारे दोन लाख रूपये किंमतीचा हा गुटखा असल्याची माहिती आहे.
यांच्या पथकाने केली कारवाई
या पथकात डीवायएसपी पवार, डीवायएसपी सतीश कुळकर्णी, उपनिरीक्षक गणेश वाघमारे तसेच सहायक फौजदार युनूस शेख, सुनील दामोदरे, दिपक पाटील, श्रीकृष्ण देशमुख, किरण धनगर, प्रमोद लाडवंजारी, किशोर राठोड, रणजित जाधव, प्रमोद ठाकूर यांनी ही कारवाई केली. पोलिसांनी घटनास्थळाचा पंचनामा करून जप्त केलेला गुटख्याचा माल शहर पोलिस ठाण्यात आणला. पोलिसांनी प्रकाश व पियुष जोशीसह दोन जणांना चौकशीकामी ताब्यात घेतले.
