मुंबई: आता तुमच्या घरचा कचरा वाया जाणार नाही. पेट्रोल आणि डिझेलच्या वाढत्या किमतींमुळे सर्वसामान्यांच्या खिशावर बोजा वाढत आहे. अशा परिस्थितीत हे टाळण्यासाठी महाराष्ट्र सरकारने विशेष योजना आखली आहे. आता वाहनांमध्ये पेट्रोल आणि डिझेल भरण्यासाठी तुम्हाला लांब रांगेत उभे राहण्याची गरज नाही. सरकारच्या अनोख्या योजनेमुळे तुमचे वाहन पेट्रोल आणि डिझेलशिवाय सुरळीतपणे धावू शकणार आहे.
मुंबई महापालिका आता तुमच्या घरातील कचरा गोळा करून कॉम्प्रेस्ड बायोगॅस बनवण्याच्या तयारीत आहे. त्यामुळे ओल्या कचऱ्याचीही विल्हेवाट लावली जाणार असून, त्यासाठी फारसा खर्चही होणार नाही. मुंबईत दररोज 6400 टन कचरा निर्माण होतो. त्यात केवळ 3400 टन ओला कचरा आहे. जाणून घेऊया सरकारची विशेष योजना काय आहे आणि ती कशी काम करेल.
अशा प्रकारे बायोगॅस बनवला जाईल
कचऱ्यामध्ये मिथेन, कार्बन डायऑक्साइड आणि हायड्रोजन सल्फाइड हे घटक जास्त प्रमाणात असतात. काही काळ कोरडे करून त्यातून कार्बन डायऑक्साइड आणि हायड्रोजन सल्फाइड काढले जातात. मग हा वायू कॉम्प्रेस्ड केला जातो. अशा प्रकारे कॉम्प्रेस्ड गॅस तयार होतो. मग त्यात मिथेनचे प्रमाण 90 टक्के होते. बहुतेक लोक वाहनांमध्ये सीएनजी वापरतात, अशा परिस्थितीत आता कचऱ्यापासून तयार होणाऱ्या गॅसने वाहने रस्त्यावर धावताना दिसतील.
ऑटोमोटिव्ह इंधन तयार होईल
हा कॉम्प्रेस्ड गॅस ऑटोमोटिव्ह इंधन म्हणून वापरला जातो. यामुळे प्रदूषणही कमी होते आणि शून्य कार्बन उत्सर्जनातही लक्षणीय योगदान होते. ऑटोमोटिव्ह इंधनापेक्षा खूपच स्वस्त असेल. सीएनजीवाल्यांना अजूनही जास्त किंमत मोजावी लागणार आहे, तर हा गॅस तयार झाल्यानंतर त्यांची सीएनजीची किंमतही कमी होईल.
असे होईल व्यवस्थापन
महापालिका शहरातून गोळा झालेल्या ओल्या कचऱ्याचे वर्गीकरण करुन या प्रकल्पाला पुरविणार आहे. त्यानंतर एमजीएची भूमिका सुरु होणार आहे. या कचऱ्यावर प्रक्रिया करुन त्यातून तयार झालेला गॅस शहराला पुरविला जाणार आहे. सध्या पालिकेच्या घनकचरा व्यवस्थापन विभागाकडून प्रत्येक वॉर्डमध्ये पाच वाहनांच्या माध्यमातून कचरा गोळा केला जातो. त्यानंतर तो कचरा प्रक्रिया प्रकल्पांमध्ये पोहोचवला जातो. हा प्रकल्प कार्यान्वित झाल्यावर पालिकेची ओल्या कचऱ्यावर प्रक्रिया करण्याची क्षमता वाढणार आहे.
