भडगाव(राजमुद्रा)- तालुक्यातील पिंपरखेड या गावात वडार समाज बांधव राहत असून त्या किरकोळ कारणावरून गावातील काही इसमांनी मिळून या वडार समाजातील कुटूंबाला मारहाण केल्याची घटना घडली आहे. तसेच सदर कुटुंबास जिवे ठार मारण्याचा प्रयत्न करत गावातून हाकलून लावले आहे. सदर पिंडीत कुटुंबास कुठेही न्याय न नसल्याने ते जिव मुठीत घेऊन असल्याची माहिती गावातील काही सामजिक कार्यकर्ते यांनी समता सैनिक दलाचे राज्य अध्यक्ष धर्मभुषण बागुल यांना मिळाली असता समता सैनिक दलाचे जिल्हा अध्यक्ष किशोर डोंगरे यांना या प्रकरणात पिंडीतांना न्याय मिळाला पाहिजे अशा सूचना दिल्या असून त्यानुसार जिल्हाध्यक्ष यांनी कार्यकर्त्यांसह भडगाव पोलिस स्टेशन गाठले व आरोपीवर गुन्हा दाखल करून पोलीस कारवाई सुरू करण्यासाठी प्रयत्न केले आहे.
सदर घटनेचा वृत्तांत असा की, मनोज सुकलाल गायकवाड वय ३५ धंदा हातमजुरी रा.पिंपरखेड ता.भडगाव जि. जळगांव हे वरील ठिकाणी परिवारासह राहतात व मोल मजुरी करुन उपजीविका भागवितात तसेच त्यांच्याकडे डुकरे,मेंढ्या,कोंबड्या असे पाळीव प्राणी आहेत. या सोबत मजुरीवर खोदकाम करुन कुटुंबाचा उदरनिर्वाह करतो.
दिनांक २७ फेब्रुवारी २०२४ रोजी आरोपींनी त्यांच्या शेतात या परिवाराचे २० डुकरे विष बाधा झाल्याने त्याचा जाब विचारला असता वडार कुटुंबातील पुरुष व महिलांना प्रचंड मारहाण केली.तसेच ५ मेंढ्यांना घरी येवून विष खाऊ घालून मारून टाकल्या असल्याचा देखील आरोप करण्यात आला आहे. याबाबत भडगाव पोलीस स्टेशन मध्ये योग्य तो गुन्हा नोंदवून घेतला जात नसल्याने याबाबत समता सैनिक दलाने पुढाकार घेवून पोलीस स्टेशन मध्ये धडक दिली. व आरोपींवर गुन्हा दखल करण्यास भाग पाडले. या सर्व प्रकरणात समता सैनिक दलाचे जिल्हा अध्यक्ष किशोर डोंगरे यांनी प्रत्यक्ष उपस्थित राहून पिडीतांना औषध उपचार व जेवणाची व्यवस्था करत न्याय मिळवून देण्यासाठी प्रयत्न केला आहे सदर घटनेबाबत भडगाव पोलिसात गुन्हा दाखल झाला असून पुढील तपास पोलीस अधिकारी कर्मचारी करत आहे.
