राजमुद्रा : आगामी विधानसभा निवडणुकीच्या तोंडावर उपमुख्यमंत्री अजित पवार ॲक्शन मोडवर आले आहेत. त्यांनी प्रत्येक मतदारांपर्यंत पोहोचण्यासाठी जनसमान यात्रा सुरू केली असून ही यात्रा आता बारामतीत पोचली आहे. या पार्श्वभूमीवरच आता शिवसेना ठाकरे गटाचे खासदार संजय राऊत (Sanjay Raut )यांनी अजित पवार (Ajit Pawar )बारामतीतून निवडणूक हरणार हे निश्चित असल्याची भविष्यवाणी केली आहे. त्यामुळे राजकीय वर्तुळात चर्चांना उधाण आला आहे.
.राष्ट्रवादीत बंड करून अजित पवार यांनी पक्ष फोडला,चिन्ह घेतले, शरद पवार जे तुमचे नेते आहेत आणि जे तुमच्या वडिलांसारखे आहेत, ज्यांनी तुम्हाला सर्व काही दिलं, त्यांच्या पाठीत तुम्ही खंजीर खुपसला. आता तुम्ही खंजीर खुपसला असेल तर पश्चात्ताप करुन काय उपयोग”, असा प्रश्न संजय राऊत यांनी उपस्थित केला.विधानसभा निवडणूक तोंडावर येऊन ठेपली आहे. राज्यातील सर्वच पक्ष विधानसभा निवडणुकांच्या तयारीला लागले आहेत. तसेच उपमुख्यमंत्री अजित पवार हे अॅक्शन मोडवर आले आहेत.
……..लोकसभेप्रमाणे आगामी विधानसभा निवडणुकीसाठी ही महायुती आणि महाविकास आघाडी असा सामना रंगणार आहे. येत्या नोव्हेंबरमध्ये विधानसभा निवडणुकीत होतील असे संकेत महायुतीच्या नेत्यांनी दिले आहेत. त्यामुळे राजकीय वर्तुळात जोरदार तयारी सुरू केली आहे. दरम्यान महायुतीचा घटक पक्ष असलेल्या अजित पवार गटाने निवडणुकीसाठी जोरदार कंबर कसली आहे.
